FacebookSíguenos en YouTube

Recreos Móvete Ao Son da Saúde

Un ano máis no IES de Baio nos recreos organizamos as actividades deportivas propostas polo alumnado. Ata agora as actividades son: Bádminton, Parkour, Zumba e Tenis de Mesa. A partir de febreiro incluirase patinaxe por petición dun grupo de alumnas e alumnos.

Xornada deportiva Baio-Zas

O 23 de xaneiro celebrouse no Instituto unha xornada deportiva entre o alumnado da ESO do Centro e o do CPI de Zas.

Ledicia Costas na Biblioteca do noso IES

O 18 de decembro recibimos na Biblioteca a Ledicia Costas, unha das autoras máis recoñecidas actualmente.

Para comezar recibiu o club de lectura de 1º ESO, que a bombardearon con cuestións relacionadas con Escarlatina, a cociñeira defunta. A autora ante a paixón que amosaban, animounos a ler a segunda parte: Esmeraldina, a pequena defunta, e... xaora que o van faceer!

Obradoiro de coeducación

Con motivo do curso de formación do profesorado que se está a desenvolver no centro dentro da liña de coeducación, o vindeiro 29 de xaneiro (mércores) en horario de 16-18h., Carme Adán, destacada filósofa, profesora e espealista en temas de xénero, impartirá un obradoiro sobre coeducación ao profesorado matriculado no citado programa de formación. Queríamos abrir este obradoiro a todas as persoas interesadas en coeducación, aínda que non estén dentro do programa. Indicádeo en Vicedirección para que os anoten e organizar a xornada.

Actividades do Departamento de Educación Física

Este venres dia 17 de xaneiro, 9 alumnas e alumnos de 1º e 2º ESO, acudirán a Noia a competir en Campo a Través dentro do Programa "Xogade" da Xunta de Galicia. Así mesmo e dentro de dito Programa, o xoves 23 de xaneiro, virá ao noso Centro o alumnado da ESO do CPI de Zas, para competir co alumnado da ESO do noso IES. Será en horario de 10.25h a 12.45h e o Profesorado afectado deberá estar no patio do Centro mentres duren as competicións.

PROGRAMA XOGADE

Obradoiro de igualdade

Parabéns a tod@s polo exito dos obradoiros! Cando se traballa con rapaces e rapazas que creen no que defenden, no seu esforzo e traballo...só poden expor esa credibilidade con orgullo diante de quen sexa, compañeiros, profesorado, familias ou veciños de Baio que se acercaron esta mañá a compartir reflexións en IGUALDADE E RESPECTO.

Álbum: Curso 2019/2020 -> Obradoiro de igualdade

Charla de orientación laboral

Esta mañá, e no marco da FCT,  os nosos alumnos dos Ciclos de FP asistiron a unha charla de orientación laboral con Rosa Villar, ex-alumna zaense do noso IES e técnica de emprego cunha ampla traxectoria na Fundación Universidade da Coruña. A importancia da FCT e a súa conexión á súa finalización cunhas prácticas remuneradas xestionadas pola FUAC foi o fío conductor da charla, así como empapar ao noso alumnado con diferentes consellos de cara a busca de emprego.

Álbum: Curso 2019/2020 -> Empregabilidade
Distribuir contido