INFORMACIÓN

As cualificacións da avaliación ordinaria de 2º de Bacharelato serán publicadas en Xade o día 15 de maio ás 20:00 horas.

O alumnado que titule na avaliación ordinaria e desexe presentarse ás ABAU deberá pasar pola Administración do centro o día 16 de maio co fin de recoller toda a documentación necesaria, xa que os prazos son moi axustados.

Por outra banda, o día 16 poderán revisar as probas que consideren co profesorado nas súas horas de atención, nos recreos ou nas horas lectivas de 2º BAC.

As reclamacións ante o Departamento poderase presentar os días:

20 de maio en horario de 10:00 a 13:00 horas.

21 de maio en horario de 8:30 a 13:00 horas.

O día 22 comunicaranse as resolucións do Departamento correspondente e  o prazo de reclamación ante a Xefatura Territorial será os días 23 e 24 de maio en horario de 9:00 a 13:00 horas na Administración do centro.

Premendo nos enlaces é posible acceder aos modelos de reclamación:

• Modelo reclamación ante o centro
• Modelo reclamación ante Xefatura Territorial

Orde do 29 de xaneiro de 2024 pola que se convocan axudas para a realización de actividades de formación en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva.

Destinatarios: alumnado que curse 1º ou 2º de Bacharelato neste curso académico 2023-2024

Tempo de duración: 3 semanas en Canadá, Francia, Portugal ou Reino Unido.

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal.

Prazo: ata o 29 de febreiro

O IES Félix Muriel, como centro que promove a internalización do seu alumnado e que considera as competencias lingüísticas fundamentais na formación, ten decidido no Claustro a participación en programas de intercambio e mobilidade do alumnado.
Esta aposta de centro lévanos a animar o noso alumnado de 1º de bacharelato que cursa francés a presentar a súa candidatura para o Programa EduMob impulsado desde o Servizo de Innovación e Programas educativos da Dirección Xeral de Ordenación e Innovación Educativa.

O programa EduMob está dirixido a alumnado matriculado na materia de Segunda Lingua Estranxeira I: Francés (1º de Bacharelato) durante o curso 2023-24 e que desexe integrarse durante catro semanas nun centro escolar francés e acoller unha alumna ou alumno francés nos mesmos termos.
Consiste nun programa de intercambio individual de alumnado en réxime de reciprocidade co alumnado matriculado en centros pertencentes á Rexión Académique de Grand Est (Francia) durante o curso 2023/24.

O alumnado interesado poderá presentar a súa solicitude segundo se establece na convocatoria e as bases, enviando un email a ies.felix.muriel@edu.xunta.gal. Indicando no asunto "Programa EduMob".
Deberá presentar os seguintes anexos cubertos e asinados:
- Anexo I (solicitude).
- Anexo II (baremo).
- Anexo III (condicións de saúde)
- Anexo IV (código de conduta)
- E no corpo do email indicar en que grupos, colectivos de voluntariado participa no centro (ex: clube de lectura, voluntariado biblioteca, EDGL,...).

O prazo de presentación remata o 27 de novembro de 2023.

Constituirase unha Comisión de selección que terá en conta os criterios de selección incluídos nesta convocatoria e que poden comprobarse no documento Baremo publicado na web do IES Féliz Muriel.