O mércores 3 de maio, durante toda a mañá, as persoas da Brigada Violeta tivemos a sorte de participar no II Encontro de Comandos de Igualdade da provincia de Pontevedra, do que, ademais, fomos centro acolledor. O IES de Chapela vestiuse de gala para recibir, no multiúsos do Piñeiral, os sete comandos de igualdade que acudiron dende diferentes puntos de Galicia. Alí compartimos unha xornada marabillosa, repleta de emoción, reivindicación e loita, mais tamén tinguida pola alegría que desprende a coeducación. Queremos dar as grazas a todas as persoas implicadas dos diferentes centros por facer que isto fose posible.

As novas xeracións demostraron, unha vez máis, ser a semente dun mundo máis igualitario e xusto. Aínda seguimos coa emoción no corpo, que orgullo de Brigada!