O alumnado do IES de Chapela, acolléndose ao seu dereito de reunión e tras o acordo alcanzado na Xunta de delegados e delegadas celebrada no centro o 1 de marzo, decidiu sumarse á decisión colectiva de non asistencia á clase o día 8 de marzo, secundando a folga convocada polo Sindicato de Estudantes para "amosar o seu rexeitamento á violencia machista e a necesidade de seguir loitando pola igualdade real entre mulleres e homes".

Na seguinte circular informativa pódese consultar toda a información relacionada co procedemento a seguir polo alumnado, tanto aquel que secunde a folga como o que decide asistir con normalidade a clase.