Hoxe o alumnado de 2º ESO realizou unha saída ata o Mosteiro de Carboeiro e despois fixo unha andaina ata a fervenza da Toxa, nunha excursión organizada polo Departamento de Xeografía e Historia e Educación Física.
A Aula de Teatro participou no XIII Festival de teatro escolar de Touro. Asistiron a un roteiro poético, musical e teatral, que organizou a Aula de Teatro do CPI Fonte Díaz de Touro, e despois representaron a obra Reviracontos na Casa da Cultura de Touro.
Grazas ao programa A ponte entre o ensino medio e a USC, recibimos a visita da profesora Iria Gómez que impartiu a charla Anécdotas Inmunolóxicas ao alumnado de 1º de bacharelato.
En 1913 Rosa Luxemburgo, militante socialista e activista antimilitarista foi detida por opoñerse publicamente á guerra. Menos dun ano despois comezaba a Primeira Guerra Mundial. No xuízo por defender a paz dixo o seguinte: “Cando a maioría do pobo chegue á conclusión de que as guerras son un acto bárbaro, profundamente inmoral, reaccionario e contrario ao pobo, entón as guerras fanse imposibles”.
Para nós, alumnas do IES de Cacheiras, a invasión do exército ruso na Ucraína é o triunfo, unha vez máis, do militarismo e do belicismo máis aberrante que Rosa Luxemburgo e outras militantes pacifistas denunciaron incansablemente fai máis dun século.
Millóns de persoas desprazadas no nome dunha guerra que o pobo ucraíno non provocou. A maioría destas víctimas son mulleres e as súas crianzas. Porque as guerras son a expresión última do patriarcado: homes provocan guerras e mulleres, nenas e nenos sufren as súas consecuencias.
No século pasado naceu un movemento que aos poucos se fixo global. Son as Mulleres de negro contra as guerras: primeiro en Israel para denunciar as ocupacións dos territorios palestinos, despois en Srebrenica (Bosnia-Hercegovina), logo en Kosovo e noutros tantos sitios, viúvas, nais e fillas vestidas de negro decidiron mostrar o seu rexeitamento da barbarie dunha forma sinxela e poderosa. Vestidas de negro, a cor da dor e da desesperanza.
Nós hoxe queremos seguir o camiño aberto por outras mulleres e por iso vimos de negro....PARA DICIR NON Á GUERRA, A TODAS AS GUERRAS!
Este xoves, no club de lectura de 1º de ESO, comentáronse os libros lidos ata o momento. Ademais, a raíz da lectura de "A cidade do átomo", viron o documental "Chernóbil, 35 anos despois do desastre nuclear" de Deutsche Welle, o que dou pé a falar doutros temas de actualidade.
