Premios 2021-2022

A curtametraxe Respirar, de Aturuxo Films, segue acadando premios, esta vez o accésit no Festival Cinema Jove de Valencia.

Miriam Bello e Andrés Couso recolleron o premio. Parabéns!!

Hoxe tivo lugar o acto de recoñecemento dos Mellores expedientes do presente curso, organizado pola USC e o programa "A Ponte", para aquel alumnado que obtivo unha nota superior a 9 na fase xeral das ABAU.

Os alumnos Manuel Vilar e Samuel Vidal e as alumnas Laura Alonso, Sabela Cambón, Alejandra Guimeráns, Ana Martínez, Paula Martínez, Eva Montoto e Paula Rey recibiron este recoñecemento.

Parabéns a tod@s e moita sorte na nova etapa que comezades!!

O IES de Cacheiras, co proxecto Aturuxo Films finalista na XI Convocatoria do Concurso BBPP.

Parabéns!

O proxecto Paisaxes efémeras de alfabetización mediática e cinematográfica sobre o cambio climático de Aturuxo Films, está entre os 3 finalistas na Categoría al Impulso de la Creatividad Audiovisual Responsable.

Coñeceranse os gañadores o 1 de outubro.

Parabéns!!

A Batalla das Palabras.
Intervención artística realizada polo alumnado do Departamento de Artes Plásticas coa colaboración do Departamento de Historia en honor a Francisco Tettamancy e os seus estudos sobre a Batalla de Cacheiras.

O alumnado quixo facer un monumento á palabra, fomentando o poder da palabra como arma para conseguir libertades e dereitos. Esta instalación artística está formada por filas de papeis con versos do poema ABRIL 1846 en honor da Batalla de Cacheiras de Francisco Tettamancy e outros papeis en branco para futuras batallas. Colocáronse estas columnas de papeis sobre un leito de pedras e polas pintadas de negro, símbolo das batallas que intentaron conseguir estas mesmas libertades. Este muro de papeis é o panel de proxección dun vídeo realizado polo alumnado cun texto en off do poema antes mencionado e vídeos de paisaxes da contorna onde discorre a famosa Batalla.

Tamén creouse un muro de pólas verticais, símbolo da batalla de Cacheiras, que fan de ligazón a diversos paneis informativos sobre o autor Francisco Tettamancy e o seu legado, situando diferentes feitos históricos de xeito cronolóxico.

No chan colocouse un mural con deseños de petroglifos enlazando con diversos estudos do autor e como símbolo das sementes culturais e artísticas de Galicia. Este mural establece un diálogo cunha exposición de obras expresionistas abstractas realizadas polas alumnas e alumnos simbolizando a violencia das batallas.