Recomendámosche

Hoxe 8 de marzo, as alumnas e alumnos de 2º ESO entrevistaron a cinco mulleres da nosa contorna con moito que contar.

Partindo do texto de Paula Carballeira, As alumnas, quixemos que nos contasen como cambiou a educación das mulleres ao longo do tempo e tamén coñecer o seu traballo e inquedanzas.

Tivemos a sorte de ter con nós a:

Paula Carballeira, actriz e escritora, que vén de gañar o Premio Nacional de literatura dramática coa obra As alumnas no 2023.

Ana Conde, xornalista, directora e creadora do Teovivo.

Fanny Félix, unha das impulsoras da asociación Bolboretea, familias teenses para as neurodiversidadese, que tamén forma parte da ANPA do IES de Cacheiras.

Juliana Pérez, mestra xubilada que foi profesora de Lingua Castelá neste instituto ata que se retirou.

Iria Páramo, médica no Hospital Psiquiátrico de Conxo.

Esta semana xogaremos as últimas partidas antes de que os mellor clasificados xoguen a ronda final.

Desta vez tocoulle ao alumnado de 1º ESO A visitar a Biblioteca do Grilo.

O resto dos grupos farano tamén en breve, cando as choivas nos dean un respiro!

Continuamos co noso Torneo de xadrez. Estes son os enfrontamentos para o xoves, día 15 de febreiro.

Ata o día 20 de marzo imos recoller libros dedicados que se entregarán ás mulleres presas no centro penitenciario de Teixeiro.

Unímonos así a un proxecto que xa ten unha longa traxectoria, o iniciado por teta&teta, ás que lles pedimos permiso para realizalo no noso centro, e que podedes coñecer neste enlace.

Agardamos que a iniciativa teña moito éxito e poidamos ir cargados de libros a Teixeiro, anímaste a participar?