O pasado 8 de Marzo o alumnado de 6º de Primaria, 3º e 4º de secundaria xunto co profesorado tivemos a oportunidade de asistir á charla temática AS MATEMÁTICAS SON ABURRIDAS E NON SERVEN PARA NADA dentro do ciclo de charlas "A Ponte entre o Ensino Medio e a USC" que oferta a Universidade de Santiago aos centros educativos.

Nesta ocasión acompañounos Elena Vázquez Abal, profesora da Facultade de Matemáticas da USC, que ademais da súa labor docente e investigadora realiza unha importante labor divulgadora como podemos ver na súa páxina web: http://webspersoais.usc.es/persoais/elena.vazquez.abal/divulgacion/. Neste enlace podemos facernos unha idea da charla que disfrutamos no día da muller traballadora: https://vimeo.com/34773040. 

O alumnado e profesorado agradecemos á profesora Elena Vázquez Abal todo o que nos trasmitiu nesa sesión: gusto polas matemáticas, valores de superación e actitude positiva ante os retos vitais que nos podemos atopar. Por todo isto foi un gusto tela connosco ofrecéndonos unha fermosa lección matemático-vital.

Desta volta acabamos de realizar unha serie de actividades, nas que participou todo o alumnado do noso CPI, para conmemorar o 25 de novembro, Día internacional da eliminación da violencia contra a muller. Trátase dunha proposta coa que quixemos unirnos á campaña de ONU MULLERES “Pinta o teu mundo de laranxa- Deixa a túa pegada”.

Grazas ao Fondo Galego de Cooperación e Solidariedade, á Xunta de Galicia e ao Concello de Lousame, o alumnado de 3º de ESO e o de 4º que ten Educación Plástica, Visual e Audiovisual como materia optativa asistiu o pasado xoves 3 de novembro a unha interesante conferencia sobre fotografía social impartida polo fotógrafo Felipe Carnotto, gañador da anterior convocatoria do concurso fotográfico “Imaxes con Fondo” e creador da exposición “Nicaragua”.

O alumnado de ESO foi invitado o pasado mércores 26 de outubro a participar na XVII Mostra de Curtas Vila de Noia. Xunto con alumnado doutros centros educativos puidemos gozar de varias curtametraxes no Coliseo Noela. Persoaxes reais e imaxinarios que animaron a nosa mañá.
.