 |
 |
Grazas ao Fondo Galego de Cooperación e Solidariedade, á Xunta de Galicia e ao Concello de Lousame, o alumnado de 3º de ESO e o de 4º que ten Educación Plástica, Visual e Audiovisual como materia optativa asistiu o pasado xoves 3 de novembro a unha interesante conferencia sobre fotografía social impartida polo fotógrafo Felipe Carnotto, gañador da anterior convocatoria do concurso fotográfico “Imaxes con Fondo” e creador da exposición “Nicaragua”. O fotógrafo falounos sobre a fotografía e algúns aspectos técnicos das cámaras fotográficas. Pero o máis importante chegou cando nos amosou o seu traballo e explicou a importancia dos fotoxornalistas que captan imaxes e rexistran situacións sociais moi diversas como por exemplo a guerra en Siria. Recomendámosvos visitar as páxinas web nas que se amosan algúns dos traballos deste fotógrafo. http://www.felipecarnotto.com/ http://felipecarnotto.tumblr.com/ No mes de xaneiro teremos a oportunidade de ver no noso centro a exposición fotográfica “Imaxes con Fondo” coa que está directamente relacionada esta actividade.
|
|||
Versión para impresora
