Este curso os alumnos e alumnas de 5º e 6º de Educación Primaria participaron na I Olimpiada Matemática do C.P.I. Cernadas de Castro. Nela enfrentábanse por equipos, en distintas estacións, desenvolvendo diferentes problemas e xogos matemáticos para os que tiñan que poñer en práctica os diferentes contidos estudados na aula (números enteiros, números fraccionarios, números decimais, unidades de medida, xeometría...). A actividade resultou moi dinámica e divertida.

Coñecedes LIBROLAND?

Libroland é o proxecto que aglutina todas as actividades que realizamos nos cursos 5º e 6º de Educación Primaria en relación coa lectura e a creación literaria:

- Concursos literarios.

- Booktube.

- Tómbola lectora.

- Exposicións temporais e outras actividades puntuais relacionadas coa lectura e a escritura.

Libroland conta, ademais dun espazo físico (o taboleiro do corredor) onde se expón a información sobre as actividades que realizamos, cun espazo virtual, dentro da plataforma Agueiro. Aí é donde se publica tamén a información sobre os concursos literarios, as fotografías tomadas na nosa "Tómbola lectora" (celebrada anualmente) e outras actividades, como a nosa canle de vídeos BOOKTUBE, onde o alumnado nos fala a través de vídeos sobre os libros que máis lle gustan.

Podedes acceder a LIBROLAND premendo na imaxe inferior, ou senón tedes tamén un acceso permanente na columna esquerda web do centro, na sección "Os nosos blogs".

Visitádenos!

Coñecedes o fenómeno dos "Booktubers"? Pois xa chegou ao Cernadas!

Os Booktubers son lectores insaciables. Gústalles moitísimo ler, devoran libros e máis libros pero, o que tamén lles gusta moito é... falar sobre os libros que len!

E como o fan? Pois a través de divertidos vídeos-reseña nos que nos contan o argumento do libro en cuestión, acompañándoo de comentarios, valoracións, datos curiosos e animándonos a desfrutar da súa lectura tanto como eles o fan.

Trátase dunha forma moi amena e actual de falar de libros e lectura, un hábito que está tan de moda coma o de gravar vídeos!

Se queredes ver aos nosos Booktubers de 5º e 6º en acción, podedes facelo accedendo ao noso Booktube, dentro do espazo Libroland, ou premendo na seguinte imaxe.

Vimos de visitar a exposición dos compañeir@as de Infantil B. 

Algúns dos compañeiros de Infantil B  (Pedro, Alejandro, Roi, Leo e Ramón) guiáronnos ao longo da exposición axudados da profe Ana.

A exposición consta de tres partes.

• A primeira parte da visita realízase fóra da aula, onde hai un mural enorme no que explícan o que é ser un refuxiado e o traballo que realiza a ONG Save de Children.
• A segunda parte realízase dentro da aula, onde se poden ver numerosas interpretacións de cadros famosos feitos polos máis pequenos. Ademais durante a visita vannos contantdo curiosidades acerca da súa elaboración.
• Finalmente, a visita remata cunha venda solidaria a favor de Save de Children. Os autores dos cadros fan unha factura e cobran o diñeiro aos visitantes que desexen mercar. 

Saída ao Galipark cos compañeiros de 5º.

Por equipos, organizamónos, pensamos e creamos disintos inventos:

-Cepillo: lava, peina, seca ...

- Máquina que fai os deberes.

- Máquina que lava e seca os zapatos.

- Máquina con zumo, música e conexión bluethooh

- Armario tecnolóxico.

Tivemos que facer unha breve descrición do invento, unhas intruccións, un logo e un eslogan. Ao final tivemos que facer unha presentación do noso traballo e, posteriormente mostrámolos no corredor.

Desta volta, visitamos a exposición cartográfica dos compañeiros de 3º da ESO. A nosa guía, Raquel,  estivo moi pendente de que entendésemos todo e de resolver todas as dúbidas que puidesemos ter.