O día 8 de febreiro celebraremos o Entroido no CEP Pedro Caselles. Este ano será un pouco especial, pois vamos intentar recuperar o antigo “Entruido” de Tomiño.
Cada día a “Meca” dará unha orde que os nenos deben cumprir, comezará coa primeira orde o venres 1 e rematará o xoves 7. A intención e que os nenos e nenas vaian construíndo o seu traxe coas cousas que vaian traendo seguindo as ordes da ”Meca”.
O luns 4, ademais do que ordee, deben traer unha bolsa para ir gardando a roupa. Cada un debe intentar construír o disfrace máis trapalleiro e gracioso que se poida. Polo tanto, debemos ter en conta:
• Cada parte do disfrace vai quedando no colexio, polo tanto deben traer a roupa normal por debaixo.
• Non se debería mercar nada, trátase de crear un disfrace vistoso, trapalleiro e gracioso usando roupas vellas.
• O venres vestiranse con esas prendas por enriba da roupa normal. Non deben vir disfrazados da casa. Durante a mañán faremos o desfile ata a praza do Seixo.
Tamén celebraremos durante este día o certame gastronómico. Aqueles nenos ou nenas que o desexen poden traer un postre que degustaremos a volta do desfile.
Esta é a orde da "Meca" para o luns:
