Skip to Content

Inicio


 

Benvidos/as á web do

CEP "XOSÉ NEIRA VILAS"

Peitieiros - Gondomar

    Secretaría 886 110220

     Dirección 886 110219

Orientación 886 110222

E-mail: cep.neira.vilas@edu.xunta.gal


Listaxe definitiva alumnado admitido no centro

 

Listaxe definitiva alumnado admitido no centro

Todo o alumnado que solicitou praza para o vindeiro curso académico 21-22, foi admitido

Saúdos,
Equipo Directivo


Prazas vacantes 21-22


 

Días non lectivos

Estimadas familias,

Recordámosvos que a vindeira semana retomamos as clases o mércores 19 de maio, xa que o luns é o festivo das Letras Galegas e o martes foi elexido por Claustro e Consello Escolar e, posteriormente, aprobado por Xefatura Territorial como día non lectivo. Desfrutade dese periodo vacacional, coidándovos moito! 

Saúdos e moita saúde,

Equipo directivo

XXXI FESTA DA BICICLETA DO VAL MIÑOR

VER ADXUNTOS FACENDO CLIC

FOLLETO E REGULAMENTO

 

SOLICITUDE DE PRAZA CURSO 2021-22

 

Todo aquel alumnado que solicitou praza, no periodo de Admisión, para o vindeiro curso 21/22 no noso centro, foi admitido.


 Esta listaxe é provisional, as listaxes definitivas publicaranse antes do 18 de maio.


Equipo Directivo


 

CONSELLERÍA DE SANIDADE: INFORMACIÓN

 A Consellería de Sanidade presenta o portal web “Xanela aberta á familia” e a guía de alimentación “O ABC do consello alimentario na infancia”.

“Xanela aberta á familia” é unha iniciativa para a promoción da saúde infantil con información útil para pediatras, docentes e familias. O seu desenvolvemento está enmarcado dentro do proxecto Riscar, no cal colaboran as administracións competentes de Portugal, Galicia, Castela e León, Extremadura e Andalucía.
Inclúe información sobre a alimentación saudable, a actividade física, a saúde e o benestar emocional. A información deste portal organízase ao redor de cada unha das etapas da crianza, desde o embarazo ata a adolescencia e caracterízase por incluír ademáis dos aspectos estritamente informativos, consellos, pautas de actuación e suxestións.
 
Nesta web, dentro do apartado de alimentación saudable pódese consultar a guía de alimentación “O ABC do consello alimentario na infancia”. Esta guía achega información, ideas e estratexias para acadar un axeitado patrón alimentario tanto no ámbito familiar como nos centros educativos. As recomendacións foron moduladas segundo os condicionantes do feito alimentario, en forma de connotacións sociais, culturais e fisiolóxicas. Consta de distintas seccións nas que ofrece información sobre a composición nutricional dos alimentos, a súa conservación e as distintas elaboracións. Inclúe tamén consellos para facer unha compra saudable e distintas receitas para todas as comidas do día co fin de facilitar a tarefa cotiá de elixir, mercar e preparar alimentos
Para máis información:


Saúdos,
Equipo Directivo


Mulleres de ciencia no CEP Xosé Neira Vilas

Ao longo da semana pasada e con motivo do Día Internacional da Muller Traballadora, o alumnado de 5º e 6º de Primaria compartiu sesións online con catro investigadoras científicas que lles acercaron o seu traballo, as súas experiencias persoais e o camiño que levan recorrido ata o momento nas súas vidas.

María Mayán, do Instituto de Investigación Biomédica de A Coruña, Yolanda Diz, do Centro de Investigación Biomédica da Universidade de Vigo, e Tania Rivera e Daniela Amorín, pertencentes ambas ao Grupo de Neurociencia Traslacional do Instituto de Investigación Sanitaria Galicia Sur, trasladaron ao alumnado a paixón polo seu traballo e o esforzo e constancia que as levaron a onde están actualmente.

Desde o centro queremos agardecer a todos e todas os que fixeron posible estes encontros e desexamos que o noso alumnado sea quen de acadar os seus soños como o están a facer as nosas invitadas desta ocasión.

Guía A familia, núcleo das primeiras aprendizaxes

Estimadas familias,

A Deputación de Pontevedra e a Asociación Socio-Pedagóxica Galega (AS-PG) acaban de facer pública a guía A familia, núcleo das primeiras aprendizaxes, unha publicación en galego que pretende axudar a nais e pais na educación das e dos fillos en temas como a motivación, a disciplina, a lectura, as emocións e a xestión de conflitos, e a educación afectivo-sexual.

Trátase dun traballo que inicialmente ía consistir en obradoiros de traballo presencial coas familias, impartidos nos concellos de Bueu, Cambados e Vigo, mais a pandemia obrigou a que se reformulase. Así, finalmente concibiuse como unha serie de artigos realizados por persoas ensinantes, orientadoras e bibliotecarias, agrupados nunha guía impresa.
Deixámosvos o enlace que contén o documento de 25 páxs. por se pode ser do voso interese (clic na imaxe)

PRAZO DE SOLICITUDE DE ADMISIÓN DO ALUMNADO CURSO 2021-22


Abrése o prazo de solicitude de Admisión de alumnado para o vindeiro curso  do 1  ó  22 de marzo

 

Fai clic na seguinte imaxe para acceder á

información do proceso de admisión

 

IMPRESO DE SOLICITUDE ANEXO II. ADMISIÓN


 

COÑECE O CEP X.N.V. A TRAVÉS DUNHA VISITA VIRTUAL

VISIONADO DO VÍDEO

 FAI CLIC NA IMAXE PARA ACCEDER AO DOCUMENTO


 

Distribuir contenido


by Dr. Radut