Hoxe, día 27 de febreiro, o alumnado do primeiro ciclo tivo a súa segunda xornada do Club de Ciencia. Esta vez, guiados pola mestra Silvia, descubrimos que a auga ten unha "cousa" que se chama TENSIÓN SUPERFICIAL e que ésta pódese romper co xabón. Así, como primeiro experimento, botamos pementa nun bol con auga, ao meter o dedo limpo no ocorre nada, pero se o mollamos en xabón e logo o metemos no bol, a pementa esparexe porque se rompe a tensión superficial e as moléculas sepáranse levando con elas a pementa.
No segundo experimento tiñamos que conseguir que un clip flotara na auga. Foi moi pero que moi difícil conseguilo, precisamos de moitos intentos e a algún custoulle un pequeno disgusto... Había que facelo coa axuda doutro clip e con moito coidado de non romper a TENSIÓN SUPERFICIAL da auga.
Por último, o máis espectacular de todos, como ao romper a TENSIÓN SUPERFICIAL do leite, o colorante vermello que lle botáramos saía disparado cara aos bordes do caneco.
Tamén houbo outro experimento que non deu tempo a facer cada un de nós, pero que a mestra Silvia nos ensinou. Conseguimos botar 41 gotas de auga enriba dunha moeda de 1€ sen que se derramara nin unha soa, sen embargo, cando misturamos a auga cun pouco de xabón, só puidemos botar 10 gotas, por que sería?? Sabédelo?
O pasado mércores 30 de Xaneiro, tivo lugar a primeira sesión do club de ciencia deste curso para o alumnado do 1º ciclo. Quedamos a comer no cole e despois empezou a diversión. Pasámolo xenial, foi unha xornada divertidísima! Queredes ver como o pasamos? premede no arquivo adxunto. Ata a vindeira sesión!!
PILABOT é un concurso organizado pola Consellería de Medio Ambiente, Territorio e Vivena, en colaboración cos Sistemas Colectivos de Responsabilidade Ampliada do Produtor de pilas e acumuladores autorizados na Comunidade Autónoma de Galicia, ECOPILAS, ERP E ECOLEC, en centros educativos de educación primaria e seundaria de Galicia para fomentar a recollida selectiva de pilas e acumuladores portátiles entre o alumnado e a súa familia.
Alumnado, familias e mestras estivemos recollendo pilas nas casas para participar neste concurso e conseguimos encher dous colectores e medio de pilas, o martes 5 de febreiro viñeron recollelos, e sabedes canto recolectamos? Pois un total de 235,950 kg!! Xa son quilos!!
Hai dous premios, un ao cole que máis quilos de pilas recolla en total e outro ao cole que máis quilos de pilas por neno recolla. Gañaremos algún? Manterémosvos informados
A comezos de marzo saiu a resolución do concurso e, lamentamos comunicar que non fomos o centro gañador, que lle imos facer. Non puido ser desta vez, pero estamos contentos igualmente, todos xuntos contribuimos a diminuir a contaminación que habería se todas as pilas que nos recollemos foran tiradas ao lixo das casas.
Collémoslle cariño aos Bolechas e desta vez viñeron ao noso centro para explicarnos que é iso dos RAEE. A través dunha canción (que logo bailamos no festival de nadal) e dun vídeo, enterámonos de que os RAEE son os Residuos de Aparellos Eléctricos e Electrónicos é dicir, todos aqueles obxectos que se enchufen, e de que estes residuos téñense que reciclar cando xa non funcionen. Pero reciclar non se reciclan no monte, hai que levalos á TENDA ou ao PUNTO LIMPO.
Antes de marchar regaláronnos un contiño sobre o tema a cada un de nós.
Que ben o pasamos con eles!! Ogallá volvan outro día!!!
Este experimento consistiu en colocar capas de distintos líquidos nun vaso tendo en conta as súas densidades.
A primeira capa da torre é de mel. É o líquido máis denso.
Despois engádese leite. Logo botamos o deterxente, a seguinte capa será auga coloreada de vermello, despois irá o aceite e por último vai o alcohol coloreado de azul.
Unha vez que rematamos con líquidos empezamos cos sólidos: un parafuso, un tomate cherry e unha pelota de ping-pong.
Obtivemos unha torre na que se apreciaba claramente a situación dos diferentes líquidos en función das súas densidades. Tamén puidemos comprobar a diferenza de densidades dos sólidos introducidos na torre.
Dentro das actividades programadas no Club de Ciencia para desenvolver o Proxecto das Mulleres científicas, o pasado 23 de febreiro, o alumnado de 3º, 4º, 5º e 6º fixemos unha saída didáctica á Facultade de Química no Campus Universitario de Vigo, o CUVI.
A continuación podedes ver o vídeo dos obradoiros aos que asisitíu o alumnado de 3º. Pareceunos moi interesante todo o que nos explicaron e queremos expresarlle dende aquí as grazas ás Mulleres científicas da Facultade de Química,que impartiron os obradoiros, pola súa atención e a súa amabilidade.