22 de abril de 2021 - Día da Terra

Tantas veces escoitamos iso de “A Nai Terra…”, pero poucas veces nos paramos a pensar sobre a verdade que encerra esa expresión. Por que Nai, se cada un temos a nosa? Pois moi sinxelo, porque ademais da vida que recibimos das nosas nais, hai outra vida que recibimos, cada día, da Terra. Sen ela non teríamos alimentos, nin espazo no que vivir, nin aire que respirar, nin sol que nos dese luz e calor, nin auga doce ou salgada, nin lugares fermosos que contemplar, nin animais incribles cos que compartir tanta abundancia. O que a Terra nos ofrece cada día é o Amor agarimoso dunha nai, que o dá todo para o noso maior ben, sen medida. Así foi sempre e así seguirá sendo…

Ben merece un día da Nai tamén ela. E que reflexionemos un pouquiño sobre o aprecio que lle damos para estar á súa altura.

Feliz día, querida Nai Terra! Querémoste!