Escolares, Ed. Infantil, 1º Curso, 2º Curso, 3º Curso, 4º Curso, 5º Curso, 6º Curso, Idioma estranxeiro, Ed. Física, Ed. Musical

OBRADOIRO CORPUS

Escolares

O Corpus Christi de Ponteareas 2024 coas súas alfombras florais vén de ser declarado Ben de Interese Cultural (BIC).

Onte os mozos de 5º e 6ºEP asistiron a un obradoiro para aprender como é o proceso de confección das alfombras e tamén coñeceron os materiais que se usan nesta noite máxica...

Xa se sente nas rúas da vila que chega o Corpus!

O DEPORTE PARALÍMPICO: SUSANA RODRÍGUEZ GACIO

Ed. Física

O alumnado de 6ºEP, a partires da práctica de deportes paralímpicos na aula de Educación Física, de falar da muller do deporte e do pasado 8M, realizáronlle as seguintes preguntas á triatleta paralímpica viguesa SUSANA RODRÍGUEZ GACIO.

Dende aquí lle mandamos os nosos mellores desexos para os Xogos Paralímpicos de París 2024 e lle damos as grazas por adicarnos o seu tempo en dar resposta ás nosas inquedanzas.

DÍA MUNDIAL CONTRA O ACOSO ESCOLAR

Así traballaron os máis pequeniñ@s do cole hoxe o conto "Vivan as uñas de cores" para conmemorar o día mundial contra o acoso escolar e aprender que o respecto e a igualdade son uns valores indiscutibles.

SEMANA DO LIBRO

Que ben o pasamos nesta semana do libro!!

O Equipo de Biblioteca organizou a tradicional Feira do libro, fixemos marcapáxinas preciosos, os alumn@s de 6º puideron coñecer á escritora Esther Sestelo e, para clausurar a semana, a escola de música moderna de Ponteareas CDM nos ofreceu un concerto de jazz, onde dous dos alumnos máis destacados, Alberto e Daniel, improvisaron ao saxo e ao piano respectivamente. Ademais podemos dicir moi orgullosos que Berto e Dani son exalumnos da nosa escola e lles desexamos todo o mellor nas súas carreiras!

Moitas grazas a Esther Sestelo e a Carlos, director do CDM Ponteareas @centrodemusicamoderna por colaborar con nós.

SEMANA DA MÚSICA

Ed. Musical

Hai unhas semanas tivemos bailes no recreo e a semana pasada foi a quenda para desfrutar dos e das instrumentistas que temos no cole!

Moit@s d@s nos@s alumn@s deron uns pequenos concertos na hora do patio facendo gozar da música aos moit@s oíntes que quixeron achegarse... e para rematar, s mestr@s do conservatorio e escola de música de Ponteareas, viñeron amosarnos os seus instrumentos e facernos vibrar coa súa música. Uníronse a el@s as nosas alumnas de 3°, Sabela e Naira!

Moitas grazas por vir!

Esta actividade estivo organizada pola mestra Lucía.

#cmusponteareas @cmus_ponteareas

PROXECTO CIENCIAS DOS CURSOS 1º, 2º, 3º E 4º DE ED. PRIMARIA 2º TRIMESTRE

Escolares

Despois de estudar historia vencellándoa no 1º trimestre aos XXOO, neste 2º trimestre estudamos xeografía relacionándoa cos AROS OLÍMPICOS, que representan a unión dos 5 continentes e simbolizan os valores olímpicos. Por iso, no Día da Paz, construímos os aros para pedir o cese da violencia nos 5 continentes, coma podedes ver na nosa imaxe de portada.

Asistimos a un obradoiro de bolsas para emprender a nosa viaxe polos 5 continentes e enchela de coñecementos sobre xeografía e as distintas culturas do mundo. E co noso pasaporte viaxeiro na man exploramos e aprendimos moitos contidos como diferenzar aldea - vila- cidade - provincia - comunidade autónoma - país - continente, (menudo lío!), aprendimos bandeiras, monumentos importantes, gastronomía, o relevo, flora e fauna... de distintos países e continentes. Para poder selar o pasaporte, tivemos que pasar distintas probas en cada continente, como un Kahoot, un Pasapalabra, o concurso de 50x15, o Trivial, Agora Caigo...

Isto en ciencias sociais, e en ciencias da natureza aprendimos algo moi importante tamén para poder viaxar: a orientación, grazas a TrueTrue, o noso amigo robot, que nos iniciou na linguaxe de programación.

Xa temos case todo preparado para París 2024: sabemos a historia dos XXOO e coñecemos os diferentes países que participan, que nos faltará saber no 3º trimestre?

SEGUIREMOS INFORMANDO

PLÁSTICA PLURILINGÜE 2º TRIMESTRE

Escolares

Dedicamos este 2ª trimestre a coñecer a vida e obra de Joan Miró e @s nos@s artistas crearon estas obras de arte que vos amosamos neste vídeo

EDUCACIÓN SEXUAL

Escolares

O alumnado de 6º de primaria asistiu a unha charla de educación sexual, impartida por 4 enfermeiras, tres de elas residentes de EFC do centro de saúde de Ponteareas, na que se trataron diversos temas como a menstruación, embarazo, métodos anticonceptivos e consentimento entre outros.

POLOS CREATIVOS

Hai moito tempo que non vos contamos que andamos a facer en POLOS CREATIVOS

Coma podedes ver estamos a facer distintas actividades que fomentan a aprendizaxe práctica. Ciencia, tecnoloxía e creatividade combínanse nestes espazos de innovación onde o alumnado pode desenrolar proxectos en grupo mediante a experimentación, o deseño, abordar problemas reais, realizar fabricación a pequena escala, aprender a linguaxe de programación de robótica e favorecer o pensamento computacional entre outras. Aprendemos creando!

[#poloscreativos](https://www.instagram.com/explore/tags/poloscreativos/)

[#kapla](https://www.instagram.com/explore/tags/kapla/)

[#truetruerobot](https://www.instagram.com/explore/tags/truetruerobot/)

[#lego](https://www.instagram.com/explore/tags/lego/)

[#deseñocondoas](https://www.instagram.com/explore/tags/dese%C3%B1ocondoas/)

[#magsmarters](https://www.instagram.com/explore/tags/magsmarters/)

BAILES NO RECREO

Ed. Musical

E TI, BAILAS!

Neste trimestre, na aula de música, entre outras actividades, a mestra Lucía organizou uns bailes na hora do recreo. O/As artistas que temos no cole demostraron a súa creatividade e bon facer ao ritmo da música. Fixérono en grupos, dúos, solistas...E tiveron moita expectación! Recreos diferentes e creativos