Skip to Content

                              

CONTOS

DÍA INTERNACIONAL DAS PERSOAS CON DISCAPACIDADE: PARA ED. INFANTIL E 1º CICLO DE ED. PRIMARIA

Como comentamos onte nesta entrada 3 DE DECEMBRO DÍA DAS PERSOAS CON DISCAPACIDADE hoxe tivemos 2 actividades que levou a cabo Sandra Coego, a nai de Iria da clase de 5º de ED. Primaria.

 

Dende o equipo de biblioteca e tamén dende o centro queremos agradecer a Sandra a súa implicación, creatividade e bo facer, e compartir todo iso con nós é un privilexio.

 

Hoxe fixo dúas "contadas" a primeira para o alumnado de ED. Infantil.

No que despois de visionar o vídeo de "Diferentes" falounos da diversidade  a todos os niveis  e o enriquecedor que resulta que todos e todas sexamos diferentes. que é o enfoque lle demos á actividade para os máis pequenos e pequenas) e despois contounos ¡Vivan las uñas de colores!  para a continuación facer un mural colectivo con todo o alumnado de ED. Infantil e finalizar pintándonos as uñas de cores ( coa colaboración das profes Natalia, Mercedes e Mirian) 

 

E aquí vos queda unha pequena escolma fotográfica do momento:

 

 

A seguinte quenda foi para o alumnado de 1º e 2º de ED. Primaria que tamén desfrutaron do vídeo que Sandra "dobrou " ao galego , despois de falarlles de discapacidade e diversidade.

Para contarlles o "conto da cebola" . Unha historia que invita a reflexionar sobre o que pode influir en nós os comentarios ou reaccións dos demais.

E quizais o que máis lles gustou, ou co que máis desfrutaron foi co "RAP DA CEBOLA" co que nos deleitou Sandra e nos puxo a todos a bailaaaar.

E por último , utilizou unha cebola para darnos a coñecer unha marabillosa mensaxe, na que estamos totalmente dacordo: so podemos darlle AS GRAZAS . 

Acó vos quedan unhas poucas fotos da actividade. 

 

 

FAMILIAS QUE CONTAN: ALBERTO OTERO CONTOUNOS LUUUME!

O pasadoluns 19, Alberto Otero, pai de Alejandro da clase de 4 anos , veu na hora de ler ao cole a contarnos "Luuume"

Unha historia ben interesante para falar de cando nos "enfurricamos" e como iso afecta ás persoas que nos rodean, e a nós mesmos.

 

Moitas grazas a Alberto por achegarse ao cole e comparitr o seu tempo con nós.

 

 

 

FAMILIAS QUE CONTAN: PATRICIA ORDÁS CONTOUNOS "TILO COCODRILO"

O pasado mércores día 18, Patricia Ordás, nai de Mía clase de 3º achegouse ao cole para contarnos un conto na hora de ler ao alumnado de ED. Infantil e 1º de ED. Primaria

 

O libro escollido foi "Tilo Cocodrilo" 

 

Xa que o día o permitiu, en lugar de contarnos o conto na biblioteca fixémolo no anexo que inauguramos este curso grazas ao PLAN LIA 3, onde puxemos un chan cómodo e xeitoso para poder sentar e uns "toldos" para poder disfrutar nos  recreos dos días de sol ( xa sexa xogando ou mirando un conto) 

 

 

 

Patricia contou coa colaboración especial da súa filla Mía, e ambas contaron e cantaron esta historia marabillosa.

Moitísimas grazas a Patricia polo seu tempo !!!

 

 

 

 

FAMILIAS QUE CONTAN

E chegaron 2 contos máis, desta volta , Vanessa, a nai de Adrián da clase de 5 anos fíxonos un "contacontos" dobre.

Moitísimas grazas a Vanessa polo seu tempo e implicación.

 Agardamos que vos gusten tanto coma a nós!

 

En primeiro lugar, un clásico do Nadal que nunca pasa de "moda" ( e tamén unha das recomendacións lectoras de Nadal para o alumnado de ED. Infantil) "Cando Martiño tivo ganas de mexar na noite de Reis" 

 

 

E en segundo lugar, esta historia tan orixinal: "O principiño e Adrián".

 

MOITÍSIMAS GRAZAS!!!!

" A castaña que rebentou da risa"

Co gallo da celebración do magosto no centro, o alumnado de 3º de ED. Primaria decidiu facer unha narración dun conto tradicional para a nosa RADIO XUVE, a partir da adaptación do conto "A castaña que rebentou da risa" dando renda solta ao seu maxín .

 

Agardamos que o desfrutedes!!!

 

 

Contacontos por parte da familia de ADRIÁN: "A banda de Raimunda"

E chegou o segundo "contacontos" por parte das familias!!!!!!

 

Desta volta foi Vanessa, a mamá de Adrián a que compartiu con nós o conto de Pablo Nogueira " A banda de Raimunda" ( se premedes no título levaravos á ficha técnica do mesmo)

 

 

Aquí vos queda, agardamos que vos guste tanto coma a nós. E moitísimas grazas a Vanessa polo seu tempo e creatividade.

 

 

SAMAÍN EN XUVENCOS

Nesta semana terrorífica fixéronse diversas actividades relacionadas co SAMAÍN -HALLOWEEN.

 

Dende os equipos de Normalización e extraescolares propuxéronnos dúas actividades de SAMAÍN 

 

Dende biblioteca propuxemos unha serie de lecturas temáticas para o noso alumnado ( tanto para o préstamo individual, coma para a hora de ler... en ED. Infantil por exemplo esta semana os contos da hora de ler , foron todos monstruosos...)

 

 

Ademais, Claire, a nosa "auxiliar de conversa" tamén lles contou os máis pequenos un conto de Halloween  en inglés...

E estiveron moi atentos e atentas!!!!

 

 

 

2 DE ABRIL: DÍA MUNDIAL AUTISMO

Mañá día 2 de abril é o Día Mundial de Concienciación sobre o Autismo

        Este ano , baixo o lema: " Podo Aprender. Podo Traballar"

 
 
Dende o colexio decidimos sumarnos a esta conmemoración, compartindo e participando 
nesta iniciativa proposta dende ARASAAC
 
 
 
          XA SABEDES, ANIMÁDEVOS E FACEDE O VOSO "MINI MUÍÑO" 
AZUL  PARA POÑER NAS VOSAS FIESTRAS

 

Deixámosvos tamén algúns contos relacionados, para que entendan un pouco mellor o autismo:

 

ACADEMIA DE ESPECIALISTAS :

 

 

EL VIAJE DE MARÍA: 

 

 

 EL CAZO DE LORENZO: 

 

 

ACTUALIZACIÓN: ALGUNHAS FAMILIAS ENVIÁRONNOS FOTOS DOS SEUS PAPAVENTOS E DOS SEUS MURAIS:

 

 

GRAZAS!!!!!!

 

 

 

 

VIAXE Ó REINO DAS EMOCIÓNS

O alumnado de ED. Infantl e Primeiro de Primaria está traballando  nas aulas, co material da FUNDACIÓN MENIÑOS:

 VIAXE Ó REINO  DAS EMOCIÓNS.

 

Aquí tedes unha serie de actividades, xogos, e vídeos para que poidades seguir traballando as emocións e a xestións das mesmas  nesta viaxe,  tan adecuada nestas datas, premede a continuación para ver as actividades ( arquivo PDF) 

 

ACTIVIDADES PARA TRABALLAR

"VIAXE Ó REINO DAS EMOCIÓNS" 

CONTOS E AUDIOCONTOS

O equipo de biblioteca fixo unha selección de contos e audiocontos para estes dias que temos que pasar na casa. Tendes que picar na imaxe e xa se abre o PDF, despois picades en calquera das pestañas e xa tendes o acceso directo aos materiais.

Distribuir contido


by Dr. Radut