Xeografías lectoras na biblioteca escolar, é a temática proposta este curso dende a Asesoría de Bibliotecas Escolares de Galicia.
No cole, estamos enfocando a temática cara a gastronomía.
Este curso mercamos varios libros desta temática (641) para o noso catálogo, porque vemos que ao alumnado lle resultan interesantes e estimulantes. ( especialmente aos máis pequenos e pequenas)
No primeiro trimestre, dende o equipo de biblioteca, lanzamos unha proposta para o alumnado dos cursos máis altos (4º, 5º e 6º) :
UN LIBRO DE RECEITAS GALEGAS ,en base a unha "plantilla" cada quen e coa axuda inestimable das súas familias redactou a lista de ingredientes e a elaboración da mesma.
Desta volta, e para seguir coa temática a proposta vai dirixida ao alumando máis pequeno de primaria ( 1º, 2º e 3º ) ,
Lanzamos a seguinte proposta: queremos facer un libriño con refráns relacionados coa alimentación, para que pase a formar parte do noso catálogo.
Esta semana enviarase a "plantilla" para que as familias participen asesorando e buscando con eles e elas. Xa que a súa axuda é fundamental.
A data límite de recollida no centro será o 19 de febreiro.
Cada refrán deberá ir acompañado dunha representación gráfica do mesmo.
Botádelle imaxinación e moitas grazas por participar.
