Obradoiros/Outras actividades

Luns 10 de maio de 2021

Con motivo da celebración do Día das Letras Galegas, o Concello de Sanxenxo ofertou aos centro de ensino do municipio unha representación teatral titulada "Xeliña fala galego", un espectáculo que percorre a vida e obra de Xela Arias, a escritora, tradutora e profesora á que se lle adica este ano o Día das Letras Galegas.

A través de lembranzas, historias de vida, contos, cantigas, xogos...  a compañía de teatro A trastenda dos contos  fixo un ameno e completo repaso pola figura da autora homenaxeada este ano.

Os alumnos/as de 4.º de Primaria desfrutaron moito con esta magnífica obra!!!

Venres 9 de abril de 2021

Os alumnos/as de Educación Infantil participaron nun obradoiro sobre sensibilización ambiental, organizado polo Concello de Sanxenxo, que leva por título, "Mariña, a pinguiña revoltosa".

A través da narración da historia dunha pinga de auga animada, os/as cativos/as puideron:

• Concienciar que a auga é un recurso imprescindible para a vida e que non é inesgotable.
• Favorecer a comprensión sobre como a contaminación da auga é un problema moi grave que afecta aos seres vivos e á calidade de vida das persoas.
• Fomentar actitudes responsables como o aforro da auga.
• Acadar cambios de actitudes e aptitudes (individuais e colectivas) sobre a xestión e o consumo da auga.

Sen dúbida, unha proposta moi interesante que agardamos repetir o vindeiro curso:)

Martes 17 de marzo de 2020

Ante a suspensión momentánea da actividade "Prevención da dor de costas" dirixida aos alumnos/as de 4.º e 5.º de Primaria, os fisioterapeutas da Unidade de Desviación do Raquis do Hospital Montecelo, elaboraron un vídeo coas principais pautas de hixiene corporal, actividade física e postural, dirixido a todo o alumnado (especialmente de Primaria).

  Moitas grazas por facernos esta achega tan útil e interesante!

Mércores 18 de decembro de 2019

Despois de moitas trasnadas, por fin chegou o día!!! Recibimos a visita do autor das mesmas:

O TRASNO FANTÁSTICO

O trasno e os seus axudantes, os duendes, cantaron e bailaron no colexio as cancións do seu CD de panxoliñas e música tradicional galega.

Ao rematar, non faltou a sesión de fotos cos alumnos/as de todos os cursos, que o agardaban con moita ilusión e unha pouquiña inquedanza.

BO NADAL 2019!

Venres 13 de decembro de 2019

A Compañía de Teatro Migallas estivo este venres no noso centro para desenvolver unha actividade sobre igualdade titulada "Elas pintan moito".

Tratouse dunha sesión de contos baseada na obra 4 pintoras: Xulia Minguillón, Sonia Delaunay, Frida Khalo e Yayoi Kusama. Ao longo da sesión, os nenos/as puideron descubrir aspectos da súa vida persoal que as converteron en modelos de independencia fronte aos prexuízos da sociedade que as rodeaba.

Sen dúbida una actividade fantástica!!!