Obradoiros/Outras actividades

Martes 16 de outubro de 2018

Un ano máis poñemos en marcha o programa "ESCOLA DE FAMILIA" dirixido a nais, pais...

Trátase dun programa gratuito de Prevención Familiar ofertado pola Asociación Avante de Portonovo e posto en marcha polo psicólogo da mesma.

(Preme na imaxe para acceder á súa páxina web)

Desenvolverase no colexio ao longo de 6 sesións formativas que terán lugar nas seguintes datas:

• 1.ª sesión: martes 30 de outubro.
• 2.ª sesión: martes 27 de novembro.
• 3.ª sesión: martes 29 de xaneiro.
• 4.ª sesión: martes 26 de febreiro.
• 5.ª sesión: martes 26 de marzo.
• 6.ª sesión: martes 28 de maio.

Dará comezo ás 16:30 h. e terá unha duración aproximada de 90 minutos (ata as 18:00 h.). 

Nos documentos adxuntos poden consultar o programa do mesmo.

Martes 23 de febreiro de 2018

Esta mañá, as nenas e nenos de 1.º recibimos unha charla moi interesante sobre alimentación e hixiene oral.

Grazas a esta actividade aprendemos que alimentos son bos e malos para os nosos dentes, que son as caries e como podemos evitalas, como debemos cepillar correctamente a nosa dentadura... e moito máis.

Ao rematar, a dentista Ana agasallounos a tod@s cun cepillo de dentes para poñer en práctica todo o aprendido.

A partir de agora, a visita ao dentista xa non será tan difícil!!!

Xoves 18 de maio de 2017

Unha representación do alumnado de 5.º e 6.º de Primaria participamos no XII Certame literario organizado polo IES Sanxenxo. Este ano estivo adicado a Carlos Casares, o escritor homenaxeado no Día das Letras Galegas.

A entrega de premios terá lugar o 15 de xuño de 2017, ás 20:00h., no Pazo Emilia Pardo Bazán.

Agardamos con impaciencia para coñecer se algún dos nosos traballos

resulta premiado!

Mércores 19 de abril de 2017

Un ano máis participamos no certame "Deseña unha xoia para a túa nai", un concurso no que os gañadores/as reciben a xoia deseñada.

Por primeira vez, unha nena do noso colexio,

Daniela Requejo (4.º de Primaria)

está entre os 80 finalistas. Trátase dun logro importantísimo, xa que houbo 10.000 deseños presentados. 

O vindeiro venres 28 de abril, en Santiago de Compostela, daranse a coñecer os 12 gañadores/as, entre os que pode estar Daniela.

Este é o seu marabillos deseño:

Parabéns e moitísima sorte!!!

Podedes coñecer os 80 finalistas aquí.

Para ver os deseños premede aquí.

Xoves 30 de marzo de 2017

Por segundo ano, recibimos a visita de Olga Costa, a directora do Refuxio de animais de Cambados, unha organización sen ánimo de lucro que está a desenvolver unha importantísma labor en favor dos animais desde o ano 1999.

(Clicade nesta imaxe para acceder á paxina web do refuxio)

Acompañada de 4 cans que fixeron as delicias dos máis cativos, deunos a coñecer o refuxio, axudounos a concienciar das obrigas que implica ter unha mascota e achegounos moita información sobre o elevado número de abandonos de animais.

(Podedes ver a xornada completa premendo na fotografía)

Ao rematar, o colexio quixo agradecer a visita cunha donación en forma de comida e produtos de limpeza.

Non deixedes de poñervos en contacto co refuxio se estades

pensando en adoptar unha mascota .