PRAZO DE ADMISION DE ALUMNADO EN CENTRO DOCENTES SOSTIDOS CON FONDOS PÚBLICOS PARA O CURSO 2024/2025
Solicitude de Admisión curso 2024-2025
Finalizado o prazo de solicitude de admisión, infórmase do seguinte:
4º e 6º de Educación Infantil: Presentáronse menos solicitudes ca prazas vacantes. Non é preciso baremar.
2º de Educación Primaria: Presentáronse menos solicitudes ca prazas vacantes. Non é preciso baremar.
6º Educación Primaria: Presentáronse máis solicitudes ca prazas. É preciso baremar.
Baremación de solicitudes.
Artigo 30 da ORDE do 21 de outubro de 2022 pola que se desenvolve o Decreto 13/2022, do 3 de febreiro.
Prazo: Conforme ao Artigo 30.2, unha vez finalizado o prazo de admisión de solicitudes, ábrese un prazo de 10 días hábiles para que as persoas interesadas podan presentar, se así o desexan, a documentación complementaria á que xa foi adxuntada coa solicitude, para xustificar os criterios de baremo alegados nela. (Artigo 31)
Xa se entregou coa solicitude a documentación acreditativa, non é preciso achegar nada máis.
Non se poden modificar as solicitudes nin alegar criterios que non figuren nelas.
CONTACTO NO CENTRO, DURANTE PERÍODO NON LECTIVO, PARA CALQUER ACHEGO OU DÚBIDA:
603 399 849
Prazo de solicitude: do 1 de marzo ao 20 de marzo
Para presentar unha solicitude deberá seguir algunha das opción descritas a continuación:
-
Cubrir a solicitude informáticamente e presentala asinada de xeito manual no centro:
Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro. -
Cubrir a solicitude informáticamente e asinala en Sede Electrónica:
Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.
IMPORTANTE: Debe achegar, na Sede Electrónica da Xunta de Galicia, o anexo dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación). -
Cubrir a solicitude manualmente e presentala asinada presencialmente no centro, xunto con fotocopia dos dnis da unidade familiar, fotocopia do libro de familia e empadronamento e se procede sentenza de separación ou divorcio xunto co convenio regulador.
Se non desexa cubrir a solicitude dixitalmente pode facelo de xeito manual descargando dende os DOCUMENTOS ADXUNTOS, cubrilos e presentalos firmados no centro.
TODA A INFORMACIÓN RELACIONADA PODEDES ATOPALA NO SEGUINTE ENLACE
| Adxunto | Tamaño |
|---|---|
| ANEXO ADMISION.pdf | 1.38 MB |
| VACANTES 24 25.pdf | 187.96 KB |
Versión para impresora
