Xa tedes na web o formulario para facerse socia/o da ANPA para este curso.
No formulario xa tedes toda a información, pero é necesario mencionar que na última asemblea do curso pasado as socias decidimos aumentar a cota a 20€, logo dos moitos anos que estivo a 15. Coma novidade este curso, so recoñeceremos coma socia/o á persoa que cubra o formulario e pague a cota. Si a parella, no caso de tela, quere tamén ser socio/a da ANPA, deberá cubrir a súa propia solicitude e pagar a cota correspondente. Isto último é importante, porque na ANPA non podemos ter máis datos que os das socias/os e os seus fillos. Polo demáis, na práctica non cambiará case nada, non é obrigatorio que sexan socios da ANPA ambos adultos da familia, pero a efectos de participar nas asembleas, só poderá facelo a persoa que cubriu a solicitude e pagou a cota.
Este ano volveremos actualizar as alerxias do centro para renovar se fose necesario os alimentos prohibidos para traer ao centro á hora das merendas. Polo que se solicita ás familias que se hai algunha alerxia nova ou algunha que xa desapareceu fágannolo chegar canto antes. Polo momento manteremos o do ano pasado ata novo aviso. Déixovos un adxunto tanto das alerxias e / ou recomendacións para infantil e primaria.