O pasado 3 de maio a Comisión de Salud Pública aprobou as novas Medidas de prevención, hixiene e promoción da saúde frente á covid 19 para centros educativos, que xa son de aplicación.
Despois de ler o documento e informarnos ben, e valorando que no CEIP A Gándara cumpríramos rigorosamente final tódolos protocolos publicados pola Consellería de Educación, anunciamos que, por fin, mesturamos por niveis os Grupos de Convivencia Estable (GCE= cada curso) para que interactúen entre sí, excepto no comedor á hora de xantar. Iso facilitará enormemente a vida do centro e revitalizará a planificación de diversas actividades moi demandadas pola nosa Comunidade Educativa (alumnado, profesorado e familias).
Mantéñense outras medidas de hixiene; e ademais cabe a posibilidade da valoración de medidas específicas por parte das Comunidades Autónomas no caso de que estas entraran en niveis superiores de risco, tal e como menciona o dito protocolo no seu punto 3.1.1.
Un saúdo
A Dirección
