Linguas estranxeiras

O pasado mércores, 16 de novembro, o alumnado de 5º e 6º de Primaria asistimos a unha obra de teatro en inglés a cargo da compañía Face2Face: "Abracadabra". Música, maxia e teatro unidos nunha inesquecible mañá na que tivemos que axudar a Harriet Potter a aprobar os seus exames para acadar o título de Bruxa. O curioso foi que algúns dos actores e actrices resultaban sospeitosamente familiares...

Moitas grazas á ANPA MILNENOS por brindarnos esta oportunidade de aprender inglés dun xeito tan ameno e divertido.

O mércores 12 o alumnado de E. Infantil (5anos), 2º, 4º e 6º de primaria tivo unha actividade moi especial. Como en anos anteriores asistimos a un contacontos en inglés. Sempre disfrutamos e aprendemos moito coa representación do grupo teatral "Face2Face" que viñeron de Madrid ao noso colexio. Este curso representaron dúas obras diferentes:

*LOST IN SPACE. As aventuras de Lara e o seu amigo Benny no espazo sideral.

*ROBINSON CRUSOE. Unha adaptación moderna e divertida desta obra.

Grazas á ANPA do colexio por darnos a oportunidade de aprendrer inglés dunha forma lúdica e amena.

 podedes ver unha mostra nos seguintes blogues:

 http://rosenglish.blogspot.com/

http://blueschoolinenglish.blogspot.com.es/

Continuando coas visitas de nativos anglosaxóns, onte os alumnos/as de 5º de Primaria recibimos a visita de Deforrest Riley Smith, xogador de baloncesto do Club Basquet Coruña, máis coñecido como DEE. Dee é dos Estados Unidos, concretamente de Dallas (Texas). Explicounos algúns dos aspectos básicos do baloncesto, pero todo en inglés. O certo é que esta é unha boa oportunidade de escoitar diferentes acentos, xa que o inglés americano é moi diferente do británico. Coa proxección dunha presentación en Power Point, axudounos co noso inglés, pero nós tamén lle axudamos co seu español. Que non é nada malo, por certo. A verdade é que nos divertimos moito e aprendemos un pouco máis de inglés. ¡Gracias DEE!

Aquí tedes as fotos da súa visita, así como a súa presentación sobre o baloncesto.