Mentres camiñamos cara a nova normalidade, Erica non para de contarnos historias cheas de ensinanzas importantes para nenos e nenas pequenos pero tamén para os máis maiores da casa. Na última das súas narracións déixanos unha receita marabillosa para aprender a tratar aos nosos inimigos e conseguir que deixen de selo. Que a desfrutedes!
Deixamos voar a imaxinación e creamos arte ao mesmo tempo que aprendemos !!!!
Gracias Samuel!!!
Aquí vos deixamos unha selección das últimas novidades editoriais para que este verán descubrades nelas o voso novo libro favorito. Estas vacacións tanto se ides á praia, á montaña ou vos quedades na casa, buscade un tempo para desfrutar da lectura e relaxarvos. Lembrade que ler é unha actividade placenteira e que ademais mellora a vosa habilidade de lectura e amplía o voso vocabulario. Ler é moi saudable e recomendable, así que xa sabedes: "Este verán mergúlladevos entre letras para nadar entre soños". Feliz verán de lectura e aventura para todas e todos!
FAI CLICK NA IMAXE PARA VER AS PROPOSTAS DE LECTURA.
Aquí vos deixamos un novo conto da nosa querida actriz e narradora Erica González titulado:"Hugo y el Dragón de la Noche". Hugo é un neno moi curioso que vive nun edificio laberíntico. Unha noite quedouse durmido xunto a unha misteriosa porta, e ao espertar, embarcouse nunha marabillosa aventura xunto ao seu novo amigo Sori, un dragón moi especial.
Non volo perdades!
Queridas familias, desde a Biblioteca queremos informarvos de que a editorial Edelvives nos ofrece a posibilidade de acceder dixitalmente ao seu fondo bibliográfico sen restriccións e de xeito gratuito ata que remate o curso.
Para poder desfrutar desta xenerosa oferta e acceder a esta Plataforma chamada Ta-tum, adxuntámosvos o seguinte pdf onde se vos explican todos os requisitos e pasos necesarios para desfrutar das súas lecturas.
Grazas a editorial Edelvives por esta xenerosa posibilidade de gozar do pracer de ler gratis. Aproveitádea!
Con motivo da celebración do Día da Familia a nosa querida Erica González, actriz e contacontos, achéganos esta marabillosa receita para que sexamos felices, e nela o ingrediente "familia", xunto con outros que Erica vos contará, é fundamental.
Se queredes aprender máis sobre cómo ser felices non vos perdades o seu conto.
En atención á situación excepcional que vivimos por mor da Covid-19 e ás especiais circunstancias en que se celebra este ano o Día das Letras Galegas, a editorial Bolanda, coa colaboración da Secretaría Xeral de Política Lingüística, pon no Portal da Lingua Galega, a disposición dos máis pequenos da casa, un novo volume da colección As miñas primeiras Letras Galegas dedicado a Ricardo Carvalho Calero.
Para facilitarvos o acceso, déixovos aquí o pdf do libro:
Con motivo da conmemoración da Semana das Letras Galegas, desde o Equipo de Biblioteca queremos lembrar a figura do escritor ao que se lle adica este ano o Día das Letras Galegas: Ricardo Carvalho Calero. Nado en Ferrol no 1910 e finado en Santiago de Compostela en 1990, é unha das figuras máis importantes da cultura galega do século XX, en especial pola súa contribución ao estudo da literatura galega e pola influencia que atinxiron as súas ideas sobre o idioma galego.
Na súa obra cultiva diversos xéneros (teatro, narrativa, ensaio) pero con clara preferencia pola poesía. Na nosa biblioteca temos a sorte de contar coa única obra deste autor (que saibamos) destinada a un público infantil. Trátase de "As pitas baixo a choiva", un relato breve que narra un feito anecdótico da infancia do autor. Un neno descobre desde a fiestra da casa que as pitas se están a mollar e el téntaas facer entrar no galiñeiro; elas asústanse e, ao final, todos os membros da familia acaban mollados como pitos.
Este relato foi publicado na revista Lar en 1952, e a nosa edición, de 2008, é a primeira desta obra de Carvalho Calero en formato libro grazas á iniciativa da editorial ferrolá Embora. As ilustracións tan fermosas son obra do ferrolán Alberto Toval. Son acuarelas, particularmente claras, con moi poucos elementos, cedéndolle un maior espazo á palabra.
Desde logo vale a pena lelo, por iso vos animamos a facelo e a desfrutar así deste marabilloso e divertido conto de Carvalho Calero que vos deixamos en formato pdf.
FAI CLICK NA IMAXE PARA LER O LIBRO
O Papagaio segue voando ate a nosa biblioteca na casa en formato dixital para que sigades desfrutando dos seus interesantes artigos e reflexións. Neste número en concreto fálase do fantástico personaxe de Frankenstein, de como os animais salvaxes visitan as cidades mentres as persoas permanecen encerradas nas súas casas a causa do coronavirus, da linguaxe das aves, das vacinas...Se queres saber máis anímate a lelo!
O Papagaio segue voando ate a nosa biblioteca na casa en formato dixital para que sigades desfrutando dos seus interesantes artigos e reflexións. Neste número en concreto fálase do fantástico personaxe de Frankenstein, de como os animais salvaxes visitan as cidades mentres as persoas permanecen encerradas nas súas casas a causa do coronavirus, da linguaxe das aves, das vacinas...Se queres saber máis anímate a lelo!
Xunta de Galicia - Consellería de Educación, 2013 | ||
PREME AQUÍ
