Hoxe o alumnado de 3º e 4º de E.Primaria tivo un encontro coa escritora arousana Gloria Sánchez despois de teren lido o seu libro “Noé e Gato fan teatro”. Un libro que inclúe dúas historias: a de Noé, que por unha fenda do tempo, irrompe nas nosas augas coa súa arca chea de animaliños. E, outra historia: a do gato dunha casa na que vive un neno moi rebuldeiro. Gloria contoulles que para escribir este libro se inspirou por un lado, na historia bíblica de Noé, que lle gustou desde nena; e por outro, no seu gato Simón. As nenas e os nenos dixéronlle que, para eles, a historia máis divertida e coa que máis riron lendo o libro foi a de “Gato”.

Logo fixéronlle preguntas sobre a súa traxectoria literaria e contoulles que leva escritos máis de 35 libros, sendo o primeiro “ Rimas con letra”, un libro de 1991, do que, por certo,  na nosa biblioteca hai unha primeira edición que ilusionou moito á escritora.

Tamén cantaron e bailaron con Gloria.

Foi un encontro moi cercano do que escritora e lectores desfrutaron moito. Dámoslle as grazas a Gloria Sánchez pola súa amabilidade e cercanía, e quedamos a espera de recibir os exemplares desta obra firmados pola autora e que con tanta ilusión agardan os nosos rapaces e rapazas.

Un grupo de nenas e nenos colaboradores voluntarios da Biblioteca escolar, con motivo da celebración da Xornada escolar da Paz quixeron preparar a representación e narración dun conto para o alumnado de E. Infantil que tratase precisamente esta temática. O conto escollido foi “El señor Guerra y la señora Paz”. O señor Guerra vivía nun outeiro onde sempre chovía e tronaba. Tiña unha mansión que caía a anacos e poucas veces saía da casa, se non era para berrarlle ao tendeiro que lle levaba a comida. Pero un día, alugouse a casiña do lado. E alí foi a vivir a señora Paz. Ela transformou a triste e gris vida do señor Guerra nunha vida feliz, solidaria, respectuosa e amable con todas as persoas. Unha historia que defende a tolerancia, a solidariedade, a concordia, o respecto e a paz. Actitudes importantes para lembrar o 30 de xaneiro e para poñer en práctica os 365 días do ano. 

Foi unha  actividade enriquecedora, divertida e gratificante da que gozaron tanto os maiores coma os máis pequenos do cole. Grazas a todos e todas. 

Con motivo da conmemoración do Día Escolar da Non-violencia e a Paz, que se celebra cada ano o 30 de xaneiro, quixemos exponer nun lugar destacado da nosa biblioteca libros que tratan esta temática. Algúns destos títulos formaban parte xa dos nosos fondos bibliográficos e outros son novidades. Trátase dun material que permite ao noso alumnado adquirir coñecementos, actitudes e competencias que reforcen o seu desenrolo como cidadáns críticos e comprometidos cos seus dereitos e cos de outras persoas. Como dicía Nelson Mandela “ A educación é a arma máis poderosa que podes usar para cambiar o mundo”.

Títulos como: -O carteiro de Bagdag.

                         -El cielo de Afganistán.

                         -O país dos mandóns.

                         -A casa grande.

                         -El señor Guerra y la señora Paz.

                         -Cachorros, cachorros.

                         -A manchas ou a raias?

                         -La Paloma de la Paz.

                         -La paloma Mari Paz.

                                                       (…)

Están a disposición de toda a comunidade educativa no recuncho da biblioteca habilitado para tal fin.

O Equipo de Biblioteca e o Equipo de Dinamización da Lingua Galega propóñenvos esta selección de lecturas para este Nadal. Desexamos que unha vez máis gocedes lendo!!

Na nosa Biblioteca podedes coller en préstamo algúns destes libros!!

Hoxe visitou a nosa biblioteca a escritora, actriz e contacontos Paula Carballeira,  con motivo da lectura do seu libro “A tartaruga Amodovou” por parte dos nenos e nenas de 1º e 2º de Educación Primaria. Paula faloulles sobre esta curta novela que ten como protagonista a unha valente tartaruga que se chama ” Amodovou “. Desde que aprendeu a camiñar, Amodovou soubo que quería percorrer o mundo, malia a que este é moi grande tamén é verdade que as tartarugas viven moitísimos anos para cumprir tan grande fazaña. Neste percorrido vaise atopando diferentes animaliños: paxaros, vagalumes, ata unha balea…A pesares das dificultades a tartaruga seguirá adiante cun sorriso na súa cara enrugada. As nenas e os nenos estiveron moi participativos nas diferentes propostas da narradora, fixéronlle preguntas, intercambiaron experiencias e ata cantaron xuntos. Foi un encontro moi gratificante no que escritora e lectores gozaron da complicidade de narrar e desfrutar unha mesma historia. Moitas grazas Paula. 

Un grupo de voluntarios e voluntarias da Biblioteca escolar levaron a cabo esta semana unha actividade de “contacontos” para o alumnado de Educación Infantil. O libro escollido foi La Maleta, de Chris Naylor-Ballesteros. Esta obra trata sobre a amizade e a valentía dos que son capaces de acoller e aceptar aos que veñen de fóra.

Tanto os colaboradores da biblioteca  coma os nenos e nenas de Infantil gozaron moito desta actividade, que remataron cantando xuntos a favor dun mundo onde o que realmente importe sexa a bondade e o corazón das persoas máis que a súa raza, o seu aspecto físico ou a súa condición  social.

Aquí tedes unha mostra gráfica do que aconteceu na biblioteca do noso centro.

Os equipos de Actividades Extraescolares, Dinamización Lingüística e Biblioteca, con motivo tamén da celebración do Días das Bibliotecas Escolares propuxemos unha actividade á que chamamos "Ti, por que razón les?".

Nesta proposta colaborou todo o cole, e entre as motivacións que argumentaron os nosos nenos e nenas polas que a lectura é importante nas nosas vidas saíron as seguintes:

Así que xa sabes: a lectura é esencial, por iso é algo que temos que alimentar ao longo da nosa vida. O noso alumnado teno claro.

Preparouse un recuncho especial na Biblioteca co lema "Unha biblioteca de cine" onde se expoñen libros e películas que tratan sobre a temática do cine para que toda a comunidade educativa estea informada e poida facer uso deles se así o precisa ou lle interesa.

Con motivo da conmemoración do Día das Bibliotecas escolares esta semana visitou a nosa biblioteca a actriz e contacontos Erica González. Erica converteu a nosa biblioteca, por unhas horas, nunha selva na que soñou e imaxinou que ocorrían moitas historias.

A raíña foi a serpe “Manchitas” que conquistou o corazón dos nosos pequenos e pequenas.

Pero foron moitos os animaliños que protagonizaron os contos de Erica, e que nos ensinaron valores aos humanos: o dragón Zog, por exemplo amousounos que coa amizade e a igualdade se pode conseguir un mundo mellor. Un pequeno rato, que tamén vivía nesta selva imaxinaria, ensinounos que o tamaño non é o máis importante, senón as gañas de facer as cousas e o empeño que poñamos para conseguilas.

Tamén rimos moitos coa xirafa Marcelina, que non sabía nada de cociña pero quería facerlle unha gran cea que lle gustase a súa sobriña. Que desastre de cociña!

Aos máis maiores Erica lembroulles o importante que é abrir as mentes á imaxinación nun mundo tan dixitalizado e sobreinformado. Para iso botou man dun conto no que o protagonista, Karín, soñador e valente, que vivía nun país devastado polas guerras, soñaba con ver cebras. Pois ben, o bo corazón dos seus amigos conseguirá facer realidade os desexos deste rapaz.

Tamén lle botaron imaxinación para ver ao flamengo Renato Nicanor bailando flamenco. Foi moi divetido descubrir, grazas a esta simpática ave, que nada é imposible para un corazón disposto. Todo esforzo ten a súa recompensa.

A nosa polifacética narradora animounos a cantar a historia do namoramento dunha pulga e un piollo, acompañada de dúas culleres e dos coros deste magnífico auditorio.

Para rematar endulzounos a sesión cun rico “pastel para inimigos” que nos descubriu que o noso primeiro inimigo se pode converter no noso primeiro amigo.

Grazas Erica por estas divertidas leccións de valores e por amosarnos, unha vez máis, que os libros e a lectura espertan a nosa imaxinación e enriquecen o noso corazón, e a nosa mente. Grazas.

O Equipo da Biblioteca escolar do CEIP de Arzúa quere agradecerlle aos voluntarios e voluntarias a súa colaboración nun mellor funcionamento e organización da nosa biblioteca. Trátase dun grupo de 20 nenos e nenas que participaron nun programa denominado Bibliotecas Escolares Solidarias, unha iniciativa de voluntariado cultural relacionada coas bibliotecas e a lectura. Consideramos que é moi importante a formación do noso alumnado en actitudes solidarias e de compromiso co seu entorno máis próximo.

Este grupo de colaboradores comezou a axudar na Biblioteca no mes de novembro, seguindo un calendario de quendas e en parellas, durante os 30 minutos diarios do recreo.

Levaron a cabo múltiples actividades:

- Supervisaron a colocación dos libros nos andéis.

- Fixeron préstamos e tomaron nota das devolucións dos libros.

- Axudaron ao resto do alumnado que o solicitou a buscar os libros que precisaban.

- Forraron libros, pegaron teselas...

- Vixiaron as zonas de ordenadores e xogos.

- Contáronlle contos ao alumando de E. Infantil. Por certo, unha actividade das que máis traballo lles deu, pero da que máis desfrutaron tanto eles como os nosos pequenos e pequenas.

- Participaron co resto dos compañeiros e compañeiras de 4º, 5º e 6º no "Comparticontos", unha actividade de longa tradición no noso centro con motivo da conmemoración do Día do Libro e da que gozan maiores e pequenos.

- Realizaron tamén unha actividade que chamamos "Os libros saen ao sol" que consiste en sacar os libros ao patio e ofrecérllelos ao alumnado que queira gozar do pracer de ler ao aire libre. Esta actividade non a puidemos desfrutar moito, pois as circunstancias climatolóxicas non foron favorables.

Grazas querido alumnado colaborador polo voso labor xeneroso e altruista. Esperamos que fose tamén para vos un traballo gratificante á par que formativo cultural e actitudinalmente.

Aquí vos queda unha pequena reportaxe gráfica desta fermosa experiencia e desexamos que pasedes un "Feliz Verán".

Todo esforzo ten a súa recompensa. Os voluntarios e voluntarias celebraron o peche das súas actividades de colaboración coa biblioteca escolar durante o curso 2018-19, recibiron un diploma oficial como participantes no programa "Voluntariado de lectura - A" e foron agasallados con esta colorida camiseta que os identifica como tales. Noraboa a todas e todos.