Os nenos e nenas de 1º e 2º nas clases de Educación Física durante o segundo trimestre traballaron as sequintes unidades:

-Quen cae?: na que xogamos co equilibrio tanto estático ( sen desplazarse) a través de diferentes posturas, como dinámico (en movemento) con distintos obxectos e situacións

-Onde vas? : orientándonos no espacio (arriba-abaixo, dereita-esquerda, grande-pequeno, alrededor de, a través de,...), apreciando direccións, distancias, etc; todo elo en relación co noso corpo, en relación cos demais, en relación aos obxectos ou co espacio que nos rodea.

- - Que dis?:  para o traballo da expresión corporal; é dicir, as posibilidades de expresión e comunicación a través do noso corpo. Nelas incídese na creatividade, expontaneidade, o respeto as representacións dos demais, ser capaz de expresar co corpo sensacións, estados de ánimo, situacións, obxectos,... a través de diversas actividades e xogos.

-Malabares!: desenrolando a coordinación óculo-manual  facendo lanzamentos, recepcións, manipulando obxectos e tentando facer xogos malabares con distintos obxectos: balóns, globos, ... Para elo nesta unidade preparamos cada un as súas propias bolas malabares. Para elo empregamos 3 globos, unha botella de plástico, area e unhas tesoiras;  con elas e algo de esforzo ... conseguímolo!

 Eiquí estamos con elas:

Primeiro cada un escolleu tres globos aos que lles cortou a parte que sobresaía.

Logo enchíamos unha botella de area e na boca dela poñiamos un dos globos hinchados. Dámoslle a volta e agardamos ata que se encha.

Pechábamos ese globo cheo cun pouco de cinta e vestíamoslle os outros dos clobos que xa tiñamos cortados. ( Neste paso axudounos a mestra pois hai que facer bastante forza ) Ao final así quedaron:

E aquí xa estamos a facer exercicios e xogos con elas tanto no xardín coma dentro do pavillón.

Dende Educación Física, durante o segundo trimestre nos cursos do 2º ciclo traballáronse as seguintes unidades:

-os Desprazamentos:seguindo así co traballo das percepcións espacio-temporais a través da marcha, carreira, cuadripedia, reptacións, deslizamentos, transportes, cambios de direccións, ..., e calquera outra maneira de desplazarse que os rapaces imaxinaran sempre traballándoas dunha maneira lúdica.

- unidades de aproximación aos diferentes deportes nos que participabamos nas xornadas de Deporte Escolar: bádminton, fútbol, xadrez, baloncesto e balonmán.

(Toda a información do acontecido nelas tédelo no recanto de E.F.: participación no Deporte escolar contra Tenorio, Ponte Caldelas e A Reigosa)

-os Xiros: traballándoos a través de rotacións a través dos diferentes eixes que atravesan o noso corpo, podendo así rodar polo chan, voltear adiante, atrás, lateralmente,.... Ademais con eles reforzase o equilibrio, o esquema corporal,....

- a Expresión Corporal; é dicir,  as posibilidades de expresión e comunicación do noso corpo , a expontaneidade e creatividade, implicándose co grupo para así comunicar ideas, sentimentos, representar historias,... improvisando e participando cos seus compañeiros de forma natural.

-Rematamos o trimestre cun gran Xogo da Oca con diferentes probas a superar en cada unha das casillas, tan divertidas como as que vedes nas seguintes fotografías:

Tamén, polo Entroido, dado que a temática dos disfraces foi a "pirámide alimenticia" aproveitamos para traballalo un pouco dende as nosas clases e de paso preparar o material que empregarían os do terceiro ciclo nas súas sesións.

Durante o segundo trimestre  no terceiro ciclo traballamos dende a nosa área unidades destinadas a introducir ao alumnado nas habilidades deportivas. Sempre sen deixar de insistir nos xogos como medio,  comezamos o traballo con actividades de iniciación deportiva  buscando sempre que tivesen un carácter máis multifuncional e lúdico que de aprendizaxe dunha disciplina concreta.

- Na primeira unidade iniciámonos no Balonmán: traballando para elo o manexo do balón, recepcións, pases, botes e lanzamentos, as súas regras, a importancia do traballo en equipo,o respeto das normas e dos compañeiros, ...

- Continuamos cunha pequena unidade composta só de 4 sesións: 2 de baloncesto e dúas de fútbol. Isto foi para poder traballar un pouco estes dous deportes antes do primeiro encontro de Deporte na escola que tiñamos cos nenos do colexio de Ponte Caldelas.

- A terceira unidade traballada foi sobre bádminton. Partimos do coñecemento da raqueta e o volante para chegar ao xogo global cun reglamento simple. 

-A cuarta unidade foi sobre Voleibol, empregando para o seu traballo balóns de praia,  evitando así o rexeitamento a práctica xeralmente deste deporte debido o temor a dor co contacto co balón. Traballouse os golpeos básicos: toque de dedos,  antebrazos e saque, as rotacións, ...

- E rematamos con algunhas sesións nas que traballamos deportes alternativos como:

      .   o Bijbol, xogo de equipo cunha pelota xigante na que hai que tentar meter gol na portería contraria sen entrar nas áreas e sen porteiro; sempre cumprindo normas como: non reter a bola contra o chan, non agarrar a bola dous do mesmo equipo,...

      .   as Indiakas, para o cal elaboramos nós as nosas propias indiakas, aínda que por falta de plumas de ganso,... desplumamos un plumeiro para podelas facer. Non voaban igual pero... pasámolo ben!

       .  e outros inventados como: o volei con palas de pinpon e indiakas, o bádminton con matamoscas e pelotas de pinpon ,...

- Ademais durante este trimestre tamén estivemos desputando os encontros de Deporte na escola cos colexios que tocaran no noso grupo. Toda esta información tédela nos seguintes enlaces:

    .  Xornada co colexio de Tenorio

     . Xornada co colexio de Ponte Caldelas

    .  Xornada co colexio de A Reigosa

- Tamén polo Entroido, dado que todo o noso centro disfrazaríase tendo como temática a pirámide alimenticia, traballámola cunha sesión que titulamos: "Na búsqueda da saúde", na que tiñamos que facer un especie de búsqueda de probas seguindo as indicacións dun mapa. Reunidas todas as notas que estaban agochadas en cada un dos puntos indicados tiñan que compoñer o puzzle que por suposto era o debuxo dunha pirámide alimenticia; a cal xunto co exercicio que fixeran levaríanos a atopar esa saúde que tanto buscaban.

- Xa na última sesión do trimestre disfrutamos dun gran xogo da oca con probas tan divertidas como as que vedes nestas imáxenes:  

O pasado luns 4 de abril tivemos a nosa última participación nas xornadas de Deporte escolar.

Desta vez tivemos que sair a xogar cos nenos e nenas do colexio de Tenorio, cos que fixemos partidos de: fútbol, balonmán, baloncesto, bádminton e xadrez.

Os primeiros en participar foron os do terceiro ciclo:

- No partido de fútbol non fumos capaces de marcarlles a pesar dos moitos intentos,

- no de balonmán estreamos o marcador gracias a un gol de Alba

-e en baloncesto fixemos canastas: Roberto, Belén, Jaime e Julio, perdendo por 10 a 8.

Nos partidos de bádminton gañaron Uxía e José, e nas de xadrez non lles demos comido un só rei.

Por último xogáronse os partidos do segundo ciclo:

-No de baloncesto gañamos con canastas de Borja, Ismael S. e Ismael E.,

-no de balonmán marcaron goles Xermán e Ismael E. aínda que perdemos

- e no de fútbol marcaron Alex e Borja quedando 3 a 2.

A pesar de que os resultados non ían todo o ben que quixeramos nas gradas non paraban de animar con bailes e cancións.

Agora só nos queda ir á Festa do Deporte Escolar , onde nos faran entrega a todos os nenos, nenas e colexios as medallas e trofeos por participar.

Noraboa a todos e todas!

O pasado venres  tivemos un novo encontro de Deporte escolar, esta vez cos nenos e nenas do colexio de A Reigosa.

Fixemos con eles partidos de balonmán, baloncesto, fútbol, bádminton e xadrez.

Tiñamos listo o marcador, no que tamén tiñamos a listaxe dos integrantes de cada un dos equipos. Comezaron rexistrando os puntos que conseguiamos Nieves de 6º e Óscar de 5º. Os demais esperabamos no banquillo a que nos tocara sair a xogar.

Os primeiros en participar foron os nenos e nenas do terceiro ciclo. Desta vez tivemos algo máis de sorte cos resultados.

Algúns destes momentos foron...

Unha vez rematados,  fixemos os partidos de bádminton e xadrez, nas que participamos un neno e unha nena de cada curso.

E como remate fixéronse os partidos do 2º ciclo de fútbol e baloncesto

Foron tres horas de deporte nas que todos desfrutamos e que a algúns ainda lles soubo a pouco, posto que no ratiño libre que tiveron seguiron a xogar na pista do patio cos que xa remataran a súa participación.

Xa só nos queda xogar cos nenos do colexio de Tenorio.

 O venres 24 de febreiro participamos no noso primeiro encontro de Deporte Escolar deste ano.

Enfrentámonos cos nenos e nenas do colexio de Ponte Caldelas que viñeron ao noso centro para xogar aos distintos deportes acordados.

Desta vez foron: Baloncesto, Balonmán e Fútbol. Decidiuse non facer os partidos de Bádminton e Xadrez por falta de tempo.

Comezamos ás 10 da mañán e rematamos xustiño á 1.

 Algúns dos momentos do encontro foron estes:

Os banquillos dos dous colexios agardaban o comezo  

Comezaron xogando os nenos e nenas de 3º e 4º ao baloncesto. Fixérono moi ben e ademais gañaron con canastas de Ismael Esc., Fátima, Alex, Borja e Ismael.

Seguiron xogando ao baloncesto os de 5º e 6º. Esta vez só con canastas de Miriam e Pablo.

          (Fixádevos nas novas camisetas, quedaron chulas non?)

Logo viñeron os partidos de Balonmán. Primeiro os de 3º e 4º, que recibimos unha pequena goleada e logo 5º e 6º os que nos aconteceu o mesmo. Intentámolo case todos nós , pero nada! Non entraba un!

               O noso cero non se moveu, pero o deles...!

 E por último xogamos os partidos de fútbol. Ningún dos dous cursos conseguimos marcar. Pero eles de novo sí!

Quizais para a próxima tócanos a nós rematar tan contentos como se foron os nenos de Ponte Caldelas

    Pasar, pasámolo ben e facendo deporte cos demais.

                        Iso é co que nos temos que quedar!

                                   Noraboa a todos !

Durante o primeiro trimestre no 1º curso do segundo ciclo traballamos as seguintes unidades:

-Ola, que tal?: Ao igual que nos demais ciclos comezamos o curso con este tema a modo de presentación destas clases, das súas normas e rutinas, de coñecernos un pouco máis entre nós e disfrutar con xogos que nos axudarían a todo elo.

Tamén tomamos rexistro do peso, estatura e debuxo do seu corpo, para así ver cal é a imaxen que cada un ten de sí mesmo, actividades que faremos sempre ao inicio e fin de curso.

-Dereita ou esquerda?: Continuouse co traballo do esquema corporal facendo para elo actividades que axudaran a afirmar a  lateralidade en cada un e respecto a outros, o coñecemento do seu corpo ( segmentos, articulacións, movilidade delas, ...) e de desenrolo sensorial.

-Onde imos?: no terceiro tema traballamos a percepción espacial: apreciando distintas direccións e distancias, orientándonos no espacio (arriba, abaixo, cerca, lonxe,dereita, esquerda, a través de, ...) , representando percorridos e logo realizándoos,...

Durante este tema tamén axudamos a preparar os xogos e os distintos carteis que se realizarían na Festa do Magosto.

Ademais tamén nos preparamos un pouquiño para correr no Cross de Deporte Escolar no cal participamos cos demais nenos e nenas do colexio.

-Cando imos?: continuamos con actividades para traballar a percepción do tempo: a duración,  a orden e a sucesión dos distintos momentos,... apreciando distintas velocidades, sincronizando a música e movemento, saltos con ritmos marcados ( con cordas, combas,...) 

-Caemos?: último tema do trimestre co que traballamos o equilibrio: do noso corpo en distintas posicións quieto e en movemento, con diferentes alturas, equilibrando obxectos, ... sempre de maneira xogada e con seguridade.

Algúns destes momentos son os seguintes:

Durante o 1º trimestre os nenos e nenas do terceiro ciclo traballamos as seguintes unidades:

-Ola, que tal?: na cal tomamos contacto cos alumnos, xa que entre eles xa se coñecían pero a mestra a eles non. Nela explicáronselle as normas e rutinas coas que traballariamos diariamente (quecemeto, hixiene, ...) e realizáronse xogos de presentación, integración, desinhibición,...

Tamén, ao igual que nos demais cursos, fixemos o rexistro de peso e talla mais o debuxo do seu corpo.

-Estades en forma?: buscando desenrolar neles por medio de xogos as súas capacidades físicas básicas:  resistencia, forza, velocidade e flexibilidade.

Nela tentamos:

- identificar cando estaban presentes nos distintas actividades,

- coñecimos os cambios fisiolóxicos que acontecían no noso corpo: pulsacións (tomando rexistro delas antes e despois das actividades), aumento de temperatura corporal e sudoración,...  

 -realizamos actividades para melloralas

- estudamos os efectos da actividades física no desenrolo ,  na saúde e na calidade de vida.

Este gran tema  axudounos a estar mellor preparados  para o Cross que se celebrou en Soutelo dentro das competicións de Deporte Escolar. 

       (toda a información e fotos desta xornada) 

Polo medio del tamén adicamos un par de clases a preparar os carteis, debuxos e xogos que se farían o día da Festa do Magosto. Os de 6º encargáronse cada un de ser os monitores nas oito probas que había que superar e , a verdade, fixérono moi ben! (xogos Magosto)

-Patas arriba!: neste tema centrámonos na práctica ximnástica adaptada ao entorno escolar, basándonos nas habilidades básicas traballadas, nos xiros, saltos e equilibrios.

Con ela buscamos que soubesen facer ben: voltereta cara adiante,  cara atrás e lateral, cravo, pino de 3 e 2 apoios, salto de potro, tanque,... 

E ademais que tiveran en conta en todo momento as normas de seguridade neste tipo de actividades, que soubesen dar as axudas nos distintos exercicios, aumentasen a confianza en si mesmo a través das tarefas practicadas, adoptasen posturas correctas, que aceptasen as súas posibilidades e limitacións,...

Algúns destes momentos son os seguintes:

Durante o 1º trimestre do curso escolar 2010-2011 os nenos e nenas de 1º e 2º traballamos as seguintes unidades en Educación Física:

-Ola, que tal?: foi a 1º do curso. Nela os nenos atopáronse de novo cos seus compañeiros despois do descanso das vacacións e tamén coñeceron nenos e mestres novos.

Neste tema pretendeuse que tivesen unha volta alegre, cooperativa e participativa, traballando para elo xogos de presentación dos novos, de cooperación entre eles traballando en equipo, ...

Ademais explicáronse nela os espacios , os materiais e as normas destas clases.

Tamén aproveitamos para facer un rexistro da talla e peso de todos eles xunto co debuxo do seu corpo;  fichas que se repetirán a comezo e final de curso todos os anos séndolle entregadas no remate da primaria onde verán como foron medrando e mellorando o seu esquema corporal.

-Coñecédesvos?: Nesta unidade traballouse o coñecemento e control do seu propio corpo: as partes e segmentos corporais (mans, tronco, pernas,...), as articulacións e o seu movemento (xeonllos, pulso, movementos da columna vertebral,...)e  o seu corpo e o dos demais.

Para elo fixéronse actividades como: poñer pinzas cada un polas articulacións do seu corpo e ao sinal quitarllas aos demais sen que llas quitaran a un, debuxar no chan a silueta do corpo dos compañeiros e logo empregalas como casiña nos pillas, debuxar a silueta do mestre en papel, marcando nelas as distintas partes do corpo cos seus nomes e logo tirarlle como se foxe unha diana tendo cada parte unha puntuación diferente,...

-Dereita ou esquerda?: terceiro tema no que buscouse que afirmaran a lateralidade os nenos que aínda non a tiñan e de que progresaran a recoñecela nas demais persoas e obxectos.

 Tamén ver que dominancia lateral tiñan (en man, pe, ollo,...), que manipulasen distintos materiais con ambas mans e pes, e que discriminaran dereita e esquerda.

Para elo sempre nas primeiras sesións todos levaban posta unha pinza enganchada no brazo dereito para que eles rapidamente identificasen as partes dereitas ou esquerdas do seu corpo.

-Sentides?: traballando o desenrolo sensorial: a súa percepción dos 5 sentidos (ou 8 -eles saben-), facendo xogos de memoria e agudeza visual ou auditiva, de discriminación táctil,... desenrolando sempre a súa capacidade de atención.

Fixéronse actividades como: facer percorridos cos ollos tapados sobre colchonetas sen tocar o chan (tacto nos pes e mans), recoñecer que compañeiro era o que facía un ruido determinado  tendo os ollos tapados (agudeza auditiva), pasar mensaxes escribindo co dedo na espalda dos compañeiros (tacto),...

- Relaxámonos?: última unidade na que traballamos:

-respiración: ensinándolles as súas fases,percibindo os movementos do peito e abdomen,  tentando que sexan capaces de soplar un largo rato pola boca,... con xogos con globos, con boliñas de papel,...

-relaxación: Tentando que  estivesen en silencio, sen moverse, cos ollos pechados, respirando a modo, sentindo que partes están no chan e como lles pesan, moverllas os  compañeiros e soltarllas deixándoas caer, como se fosen bonecos de trapo. E polo contrario estar en tensión, sen deixarse mover polos demais, ríxidos, andar coma robots...

-e a actitude postural: traballando o equilibrio nas distintas posicións que podiamos poñer e con diferentes obxectos.

Ademais durante este trimestre foron traendo da casa distintos materiais de refugallo: cartóns de leite, botellas de plástico, bidóns, latas, plumas, ... que durante o resto do curso iremos transformando para convertilos en materiais cos que pasalo moi ben.

Tamén participamos nos diferentes xogos que se fixeron na celebración do Magosto e dous nenos do noso ciclo xa participaron ,e moi ben, no Cross de Deporte Escolar.

Xa temos os resultados !

Así de ben quedaron situados os nenos e nenas do noso colexio:

Benxamín femenino ( 3º curso) : -60 participantes-

Virginia (3º) , María (6º) , Nuria (7º), Laura (8º) , Carla 10º)

Benxamín masculino ( 2º e 3º curso ): -58 participantes-

Alexandre (1º) , Anxo (4º), Borja (7º) , José (13º), Raúl (18º) Daniel Campos (34º) , Pablo (37º)

Alevín femenino (4º e 5º curso): - 78 participantes-

Arantxa (5º) , Ana (9º) , Mª Carmen (12º) , Andrea  Zas(16º) , Tamara (30º) , Uxía (35º), Andrea Ramírez (51º) , Lara (64º), Fátima (65º) , Meritxel (69º) , Antía (77º)

Alevín masculino ( 4º e 5º curso ): -87 participantes-

Ismael Escariz (9º) , Roberto (10º) , Jesús (28º) , Martín (29º) , Daniel (38º), Germán (39º) , Óscar (40º) , Ismael Serrapio (43º) , David (45º), Pablo (50º), Santiago (52º), Iván (69º)

Infantil femenino (6º curso): -58 participantes-

ALba (15º) , Belén (22º), Miriam (23º) , Marina (28º), María (41º), Adriana (42º), Leticia (43º)

Infantil masculino ( 6º curso) : -53 participantes-

Jaime (28º), Julio (38º)

Noraboa a todos e todas de novo!

(Se atopades algún erro avisade a mestra de E.F. , porque o listado que mandaron viña mal e igual faltades algún de vós)