Este ano tocou recoller as medallas do deporte escolar na área recreativa de "A Calzada", en Ponte Caldelas. Non hai mellor sitio para tal celebración, posto que os nosos alumnos/as puideron desfrutar dunha pequena ruta de sendeirismo pola beira do ría e merendar na súa frondosa área recreativa. 

Despois da merenda procedemos á entrega de medalla das diferentes categoría e cursos, pero tamén o esperado trofeo, que foi recollido por un representante de cada clase. 

Entretida e esperada xornada nun lugar privilexiado. Para o ano repetimos!

...pero, tamén houbo tempo para unha sorpresa: bailamos unha muiñeira!!!

Chega o final do curso e con el o momento de facer balance das merendas saudables. Dentro do programa Nutriescolas, dende o centro estamos a traballar nun proxecto que se chama "Nutrirecreos", e como ben di o seu nome, o que buscamos é que os nosos recreos estean repletos de merendas nutritivas e saudables. Para iso, elaboramos un sistema de puntos-recompensa que busca facer un seguimento da calidade e cantidade das merendas durante o curso. O obxectivo non é a competición, senón tomar conciencia da evolución e progresión da alimentación nosa alimentación durante os recreos de todo curso. E, obviamente, tamén é importante premiar a constancia e esforzo daqueles nenos/as que trouxeron máis merendas saudables, equilibradas e con menos residuos. 

É o momento de darlles un agasallo pola súa constancia.

Estes son os premiados. Parabéns!!!

Como vén sendo habitual cada final de curso, subimos a San Antoniño de Penalba para realizar a nosa esperada Xincana de orientación por equipos. Despois dunha pequena camiñada dende o colexio ata a área recreativa, repuxemos forzas cunha pequena merenda para comezar cos retos. 

Xa distribuidos por equipos, tiñan que atopar candansúa baliza, entregárllela ao mestre/a e superar o reto correspondente. Houbo probas de tódolos tipos: retos motrices, pasapalabra, sopas de letras, adiviñas, etc. 

O diferentes grupos esforzáronse moito para buscar as probas e superar os retos, pero só un remataría primeiro. En calquera caso, o importante é que desfrutamos moito e esperamos repetir para o ano que vén. 

Agora a desfrutrar das vacacións!

Que somos un centro no que se fomentan os hábitos saudables, xa o sabiamos. Pero se ademais de comer san, é divertido e podemos optar a un regalo, as nosas merendas ben se merecen unhas liñas.

Nesta 4ª edición dos "Nutrirecreos" a participación foi, se cabe, máis alta ca anterior, o que quere dicir que este proxecto de centro está cumprindo co obxectivo de fomentar a alimentación saudable durante a xornada escolar.

Aquelas merendas máis variadas e equilibradas tiñan premio. o alumnado cun maior número de merendas saudables por mes recibía unha insignia, que podía ser supersaudable, hipersaudable e ultrasaudable. A final de curso faciamos reconto, e o alumnado cun maior número de insignias recibiría un premio en forma de xogo para o verán. A falta dun mes para rematar o curso e a entrega de premios, observamos unha gran participación a un cambio nos hábitos alimenticios de certos alumnos, o cal é moi positivo e demostra que este proxecto funciona. Aínda temos moito que mellorar, pero este é o camiño. Ademais, cas insignias "residuos cero", estamos a concienciar ao alumando da importancia de xerar menos residuos para reducir a contaminación.

O luns 27 de maio desprazámonos ata o campo de fútbol "As extremas", en Cotobade, para desfrutar dunha xornada de xogos populares na compañía doutros centros da zona Terra de Montes. Esta xornada, iniciativa pioneira dos mestres/as que imparten clase en dita zona, tivo por obxectivo fomentar os xogos populares á vez que convivimos e coñecemos nenos/as doutros centros. 

O día e a ubicación era ideais para a xornada.

Cando chegamos, organizáronnos en equipos heteroxéneos e explicáronnos o funcionamento dos xogos. O resto foi desfrutar!

Pero, tamén houbo tempo para repoñer forzas, non todo é xogar!

Para o ano repetimos. Que ben pasamos!!!

O pasado xoves 16 de maio, dirixímonos ao Campo de golf de Meis para recibir unha clase de iniciación ao golf. Destacar que estas xornada están enmarcadas dentro do programa Xogade, que este ano ofertou deportes menos coñecidos e practicados como poden ser o remo ou o golf. 

Despois dunha viaxe de 45 min, chegamos ao campo. O día non acompañaba moito, pero finalmente puidemos facer a práctica sen impedimentos. 

Xa no campo, os coordinadores da actividade ensináronnos as instalacións. 

Despois dun breve tour polas instalacións tocaba aprender a técnica básica para realizar un gran golpeo. Dividímonos en dous grupos, un realizaría golpeos longos, e o outro, curtos no green. Pero, primeiro debiamos atender ás explicacións con moita atención.

Turno para os golpeos longos

Turno para os golpeos curtos

Interesante e divertida xornada na que aprendemos e desfrutamos dun novo deporte para nós! Repetiremos!

O pasado luns 22 de abril, os nenos/as de 6º tiveron a oportunidade de experimentar por primeira vez o que é remar sobre un barco dragón. 

O día acompañaba moito, e despois dun breve quencemento e explicación sobre as normas de seguridade e técnica básica, puxémonos a remar.

Todo preparado, listo para remar!!!

En colaboración cos compañeiros/as de Forcarei, que nos acompañaron na embarcación, estivemos navegando polo encoro do Pontillón de Castro, en Verducido. Aínda fixemos uns cantos kms!!!

Logo había que repoñer forzas, despois do gran esforzo que fixemos!!!

Namentres, os nosos compañeiros/as de 5º aproveitaron para facer unha pequena ruta de sendeirismo, analizar a flora e a fauna e desfrutar do entorno en boa compañía.

Para o ano repetimos!!!

Comezamos as xornadas de deporte escolar, que nesta ocasión tocou no noso centro. Ao longo da mañá fomos competindo en diferentes deportes como o fútbol, o baloncesto ou o balonmán, pero sempre co obxectivo de pasalo ben, desfrutar do deporte en compañía e facer exercicio físico dun xeito distinto. 

Os nosos alumnos/as dérono todo nunha xornada con partidos moi competidos e emocionantes. 

Grazas a todos/as pola participación.

Próxima xornada: Forcarei

BALONMÁN 5º E 6º

FÚTBOL 5º E 6º

OS COMPAÑEIROS/AS APOIANDO FORTE

BALONMÁN 3º E 4º

BALONCESTO 3º e 4º

PANCARTA DE APOIO

O pasado martes 31 de xaneiro celebramos a II carreira solidaria polo día da Paz. Ademais de contribuír a unha boa causa e promocionar a práctica deportiva non competitiva, aproveitamos para fomentar a alimentación e hidratación tras a práctica deportiva. Dende o centro puxemos á disposición de tódolos/as participantes auga e e plánatos, para repoñer forzas depois da carreira de obstáculos. 

Somos unha auténtica NUTRIESCOLA!!!