Outras actividades

Martes 7 de febreiro de 2023

Un ano máis , o alumnado de 5.º e 6.º de Primaria participou na charlas do

Plan Director, un plan que persegue prever calquera tipo de risco que afecte á seguridade e benestar de menores e xóvenes, na escola e no seu entorno.

Nesta primeira xornada tratáronse as temáticas "Violencia de xénero" e "Acoso escolar".

O dia 24 de febreiro terá lugar a segunda xornada centrada en "Seguridade no uso da Internet".

Premendo na seguinte imaxe podedes acceder a máis información relacionada co programa.

Luns 30 de xaneiro de 2023

A Asociación Forgender Seal e a Plataforma Unitaria Contra As Violencias de Xénero certificou que o noso centro educativo superou os criterios de igualdade social, xénero e diversidade que aseguran o seu compromiso cunha educación igualitaria para todos e todas.

Venres 27 de xaneiro de 2023

Os alumnos/as de 3.º, 4.º, 5.º e 6.º de Primaria participaron un curso máis nas charlas/obradoiros sobre educación afectivo-sexual denominadas "Con mucho gusto".

En breve, deixámosvos algunhas fotos da xornada.

Xoves 15 de decembro de 2022

Como todos os anos, nos días previos ás vacacións de Nadal, no colexio facemos unha recollida de alimentos solidaria que destinamos a diferentes organizacións da zona para que os repartan ás familias máis necesitadas. Este ano serán destinados ao Banco de Alimentos Rías Baixas.

Ademais, como vedes na foto, esta acción relaciónase con varios dos obxectivos de desenvolvemento sostible (ODS) que estamos a traballar a través do novo proxecto do cole, en concreto, o 1 e o 2. 

O Nadal é unha época máxica para pensar especialmente nos demais e axudarnos entre tod@s e, no CEIP As Bizocas, cooperamos deste xeito. 

Moitas grazas a todas as familias que colaboraron e fixeron isto posible!

Luns 21 de novembro de 2022

O 13 de novembro de 2002, as costas de Galicia viron como o petroleiro Prestige afundía cargado con 77.0000 toneladas de petróleo que acabaron no mar, nas nosas rías. 

Hoxe na biblioteca tivemos a sorte de contar con Francisco Iglesias, patrón maior da Cofradía de Mariñeiros de San Martiño do Grove cando sucedeu esta catástrofe. 

Francisco amosounos un vídeo onde resumía todo o que sucedeu naqueles terribles días e as consecuencias que se ven aínda a día de hoxe. Posteriormente o alumnado preguntoulle todas as súas inquedanzas sobre o tema. 

Moitas grazas Francisco pola túa visita!! Nunca máis!