Skip to Content
Balea s/n O Grove (Pontevedra) CP:36988 Tfno: 886 151 972 ceip.asbizocas@edu.xunta.gal

CONVOCATORIA ASAMBLEA XERAL DA ANPA

Xov, 09/07/2023 - 14:26 — admin

Pola presente convócase aos pais, nais, titores/titoras dos alumnos e alumnas do C.E.I.P As Bizocas á Asemblea Xeral Ordinaria, que se celebrará na aula do comedor do propio centro, o próximo martes día 12 de setembro de 2023 ás 19.00 hs en primeira convocatoria, 19.15 en segunda, coa seguinte orde do día:

1.- Resumo de actuación levadas a cabo no curso 2022-2023, especialmente no comedor escolar.

2.- Balance de contas da asociación no curso 2022-2023.

3.- Actuacións a levar a cabo de cara ó curso 2023-2024.

            a) Comedor escolar

            b) Propostas de actividades extraescolares.

             c) Outras propostas de interese xeral.

4.- Outros asuntos de interese.

5.- Rogos e preguntas.

 

A Presidenta

María Gómez Meis

658103023 

MATRÍCULA COMEDOR ESCOLAR 23/24

Xov, 07/13/2023 - 10:48 — admin

Estimadas familias,

a ANPA do CEIP As Bizocas está preparando o comedor para o vindeiro curso escolar 23/24, e precisan facer unha estimación inicial do número de nenos e nenas que o usarán.

Achégase adxunta a matrícula do comedor escolar.

REVISTA ESCOLAR 2022/2023

Xov, 06/29/2023 - 18:45 — admin

Xoves 29 de xuño de 2023

Aquí tedes o último número da nosa revista escolar. Esperamos que vos guste!

Premede na imaxe para acceder.

TAREFAS FINAIS PDI "SOS-ODS: O PLANETA NAS NOSAS MANS"

Xov, 06/29/2023 - 09:32 — admin

Mércores 28 de xuño de 2023

O Equipo de Biblioteca recolle neste Genially as tarefas finais do PDI deste curso 22/23 que se presentará ao IX Concurso de Traballo por Proxectos. 

 
Premede na imaxe para velo!
 
 

 

FORMULARIO DE INSCRICIÓN NA ANPA 23/24

Ven, 06/23/2023 - 11:36 — admin

Dende a ANPA do CEIP As Bizocas fannos chegar o formulario de inscrición para facerse socio/a da ANPA no vindeiro curso 23/24.

Podedes descargar o formulario en adxuntos.

FIN DE CURSO 2022/2023

Xov, 06/22/2023 - 11:39 — admin

Mércores 21 de xuño de 2023

Este mércores 21 de xuño celebramos o fin de curso no CEIP As Bizocas. A xornada comezou co desfile de robots ODS, que o alumnado de 6.º de Educación Primaria programou cos MBot. Tamén realizamos fotos de grupo no photocall da entrada.

 

 

 

 

 

 

 

Posteriormente, foi o turno da graduación do alumnado de 6.º de Educación Primaria na que estivemos acompañados polas familias. Moita sorte na nova etapa!

 Logo, os alumnos/as de 3.º, 4.º, 5.º e 6.º de Primaria realizaron unhas coreografías preparadas pola mestra de Educación Física e ao rematar, alumnado, mestres e familias compartimos unha merenda saudable. 

A xornada rematou con xogos na praia onde cada grupo tiña que ir completando o seu cadro ODS.

E chegou o momento da despedida... Desde o cole:

Desexámosvos o mellor a todos os nenos/as de 6.º EP que rematades no centro! No CEIP As Bizocas sempre vos recibiremos cos brazos abertos!

Moi bo verán a tod@s! 

Vémonos en setembro!

Premede aquí para acceder ao álbum de fotos

 

SÁIDA FIN DE CURSO 4.º/5.º/6.º EP: MARCELLE

Xov, 06/22/2023 - 11:29 — admin

Martes 20 de xuño de 2023

E chegou o día tan esperado para o alumnado de 4.º, 5.º e 6.º de Primaria... A EXCURSIÓN DE FIN DE CURSO A MARCELLE.

Este ano foi unha saída especial porque a realizaron de forma conxunta co alumnado do C.E.I.P. Manuel Mallo Mallo (Lugo), co que ao longo de todo o curso realizaron un intercambio lingüístico.

Despois dunha longa viaxe, chegaron ao colexio de Lugo, onde os agardaban con estusiasmo para darlles a benvida. Tras unha merenda, un tempo de xogo e o intecambio de cartas puxeron rumbo todos xuntos ao parque natural Marcelle Natureza. Aí divididos en grupos comezaron vendo algúns animais antes da hora de xantar. Pola tarde visitaron a reserva onde viron diferentes especies de animais e realizaron tiro con arco.

Sen dúbida foi unha bonita experiencia na que fixeron moitas amizades.

Premede aquí para acceder ao álbum:

M A R C E L L E

 

CHARLAS EDUCACIÓN AFECTIVO-SEXUAL

Ven, 06/16/2023 - 09:21 — admin

Xoves 15 e venres 16 de xuño de 2023

Ao longo de dúas xornadas, o alumnado de 3.º, 4.º, 5.º e 6.º de Primaria participou na terceira e última sesión das charlas sobre educación afectivo-sexual, unha actividade pedagóxica que ten como obxectivo formar aos nenos/as a través de información rigurosa e obxectiva a nivel biolóxico, psíquico e social.

Grazas a Noelia, seguimos afondando nos tipos de familia, sexualidade, emocións, uso responsable dos dispositivos móbiles... todas elas temáticas moi relacionadas co noso proxecto dos ODS.

 

NOVAS DA BIBLIOTECA: XUÑO 2023

Mér, 06/14/2023 - 17:03 — admin

xuño 2023

Estas son as novas máis importantes da biblioteca do mes de xuño.

Premede nos enlaces para acceder:

- Meninas reivindicativas ODS

- Última sesión do Club de lectura

- Recomendacións lectoras para o verán

               - Robótica ODS

             - Traballo final do proxecto competencial 3.º EP

                                            - Exposición sobre PDI e xogos 6.º EP

                                            - Circuítos sustentables 5.º EP

-Fin das mochilas viaxeiras

 

SAÍDA FIN DE CURSO 1.º/2.º/3.º EP: CORTEGADA

Mér, 06/14/2023 - 16:58 — admin

Martes 13 de xuño de 2023

Hoxe tivo lugar unha das actividades máis desexadas por parte do alumnado... A EXCURSIÓN DE FIN DE CURSO!!!!!

Nesta ocasión puxemos rumbo á illa de Cortegada, declarada Parque Nacional no ano 2002.

Comezamos facendo unha viaxe en autobús para chegar ao porto de Carril onde nos agardaban unhas lanchas que nos levaron ata Cortegada.

Alí, cos monitores Luis e Alba, coñecemos a misteriosa e curativa illa. Percorremos a Ermida dos Milagres, os restos da vila, as súas praias, os bosques de loureiros, salgueiros, carballos, ameneiros...

Despois de comer, tiñan organizados varios xogos cos que coñecemos parte da fauna mariña a través das cunchas dalgúns animais (vieiras, centolas, ameixas, berberechos, ovos de manta raia, etc.).

Á volta collemos unha boa molladura, xa que comezou a chover con forza. Pero pasámolo tan ben que ata desfrutamos do chaparrón!

Premede aquí para ver o vídeo!!!

 

Distribuir contido


by Dr. Radut