Outras actividades

Mércores 22 de marzo de 2023

Hoxe tiñamos a posibilidade de conectar coa tripulación do Buque de Investigación Oceanográfica (BIO) Hespérides, un buque de investigación con base en Cartagena (Murcia) que actualmente se encontra na ANTÁRTIDA.

Por poblemas loxísticos non foi posible facer a videoconferencia. Agardamos poder levala a cabo noutra ocasión!

Premendo nas seguintes fotografías podedes coñecer un pouco máis da súa historia.

ODS relacionados:

n.º 13: "Acción polo clima"

n.º 14: "Vida submarina"

n.º 15: "Vida de ecosistemas terrestres"

n.º 4: "Educación de calidade"

Mércores 15 de marzo de 2023

Un ano máis confiamos na empresa Ciencia en movemento para desenvolver un obradoiro denominado "Mulleres científicas", que achega de forma práctica e divertida a figura de diferentes mulleres que tiveron un papel moi importante no ámbito científico.

Os experimentos encantáronnos! E ao rematar regaláronnos pegatinas!

En breve, máis fotos.

Luns 27 de febreiro de 2023

Os nenos/as de 3.º e 4.º de Primaria dirixíronse ao auditorio Afundación de Pontevedra para asistir á obra de teatro "Nautilus", gañadora do premio FETEN 2020 á Mellor proposta orixinal pola súa ‘sensibilización medioambiental’. Nautilus é unha versión da clásica novela de aventuras “20.000 leguas de viaje submarino” cunha lectura actual, comprometida e preocupada pola conservación dos océanos, do noso planeta.

Como vedes está moi relacionado co noso proxecto de centro "SOS-ODS: O PLANETA NAS NOSAS MANS".

Xoves 23 e venres 24 de febreiro de 2023

Continuamos coas charlas do Plan Director dirixidas ao alumnado de 5.º e 6.º de Primaria.

Nesta ocasión tratáronse as seguintes temáticas:

MEDIAMBIENTE

ODS relacionados:

7 Enerxía accesible e non contaminante

13 Acción polo clima

14 Vida submarina

15 Vida de ecosistemas terrestres

SEGURIDADE EN INTERNET

ODS relacionados:

3 Saúde e benestar

4 Educación de calidade

Venres 10 de febreiro de 2023

Na mañá do venres, o alumnado de 5.º e 6.º de Primaria participou nunha actividade de avistamento de aves organizada polo Concello de O Grove e a Sociedade Española de Ornitoloxía (SEO).

Tras unha charla informativa sobre a migración das aves, o coidado das mesmas, etc. puxeron rumbo á Toxa onde con cadernos, guías, prismáticos e algúns telescopios, puideron observar as aves da zona (cormoráns, garzas reais...) para logo anotar os nomes científicos e comúns.

Esta actividade está relacionada cos ODS:

• n.º 4 Educación de calidade
• n.º 13 Acción polo clima
• n.º 15 Vida de ecosistemas terrestres

Sen dúbida foi unha proposta moi interesante na que aprendemos moitas cousas!

Premede na fotografía para acceder á galería.