Outras actividades

Xoves 11 de maio de 2023

Despois de varios intentos, hoxe tivemos a posibilidade de conectar por videochamada coa tripulación do Buque de Investigación Oceanográfica (BIO) Hespérides, un buque de investigación con base en Cartagena (Murcia) que actualmente se encontra rematando A CAMPAÑA ANTÁRTICA(Antártida e Montevideo).

Grazas a esta actividade coñecemos un poco da historia do buque, as campañas, a tripulación, a vida a bordo e nas misións en terra fime, a fauna e flora neses lugares... Ao rematar tivemos a oportunidade de facer preguntas. Sen  dúbida, foi moi intersante!

Aquí vos deixamos un vídeo resumo da xornada. Clicade na imaxe.

Premendo nas seguintes fotografías podedes coñecer un pouco máis da súa historia.

ODS relacionados:

n.º 13: "Acción polo clima"

n.º 14: "Vida submarina"

n.º 15: "Vida de ecosistemas terrestres"

n.º 4: "Educación de calidade"

Mércores 3 de maio de 2023

"UN PLANETA MARABILLOSO!"

Este ano, desde o Equipo TIC organizamos a I Exposición de Fotografía Dixital, relacionada cos ODS:

Grazas á colaboración das familias, conseguimos realizar unha exposicicón moi bonita nas que a natureza é a absoluta protagonista.

Aquí vos deixamos as fotos e lemas recibidos.

           Candela 1.º EP:                            Luca 1.º EP:                                      Luca 1.º EP:

   "Respecta o seu hábitat"    "Aportando o meu gran de area"        "Nubes de algodón especiais"

            Mauro 4.º EP:                              Mauro 4.º EP:                          Noel 4.º EI:

    "Coidemos a natureza"             "Disfruta da natureza"        "Cultivando comida riquiña,

                                                                                                      teño farta a miña barriguiña"

             Noel 4.º EI:                                Nora 5.º EI:                             Nora 5.º EI:

    "Vendo os peixes nadar      "¡¡Temos que coidar o planeta!!"   "¡¡Respecta a natureza!!"

prodúceme moita tranquilidad"

      (foto en breve)                               (foto en breve)                        

         Unai 4.º EP:                                   Unai 4.º EP:

"O formigueiro en acción."             "O traballo das abellas"

ATA A PRÓXIMA EDICIÓN!

Venres 28 de abril de 2023

Seguimos a aproveitar os recursos que nos ofrece a nosa contorna como ferrramenta de aprendizaxe.

Esta mañá, divididos en dous grupos, os alumnos/as de 1.º a 6.º de Primaria, realizaron unha saída á lagoa da Bodeira, unha lagoa de auga doce situada a poucos metros do mar, xunto á praia da Mellixoeira. Trátase da única lagoa litoral das Rías Baixas.

Nela puidemos ver varias especies de animais e plantas, que podedes ver nun vídeo.

Premede aquí para acceder.

A media mañá, aproveitamos para merendar e, ao rematar, fixemos unha parada na praia da Mexilloeira a xogar un pouco.

Sen dúbida unha xornada fantástica!!! Repetiremos!!!

Venres 21 de abril de 2023

Desde o Equipo TIC invitamos ás familias do noso alumnado a participar na "I EXPOSICIÓN DE FOTOGRAFÍA DIXITAL", que este ano leva por título

"UN PLANETA MARABILLOSO!"

Bases:

• Cada neno/a poderá enviar un máximo de 2 fotografías ao correo electrónico do centro ceip.asbizocas@edu.xunta.gal
• No asunto do email debe figurar: "Exposición de fotografía + nome do alumno/a + curso"
• A data límite para enviar as fotografías é o mércores 3 de maio.
• As fotos deben ser de creación propia, non descargadas de Internet.
• Teñen que ir acompañadas dun lema, título ou breve texto en galego, que pode ir directamente na fotografía ou escrito no email.
• Deben estar relacionados cos obxectivos ODS:

O alumnado de 6.º de Primaria foi o encargado de elaborar o cartel e as bases. Moi bo traballo!

**Poden ver, descargar ou imprimir os documentos nos ficheiros adxuntos.

Venres 31 de marzo de 2023

Como despedida do trimestre organizamos unha busca de ovos!! Cada ciclo tivo que atopar os 17 ovos ODS escondidos por todo o cole seguindo as diferentes pistas que o Sabichón foi deixando por distintos recunchos. Así, pouco a pouco encontraron todos os ovos e completaron o mural dos 17 ODS!!

Todo un reto no que o pasamos xenial e lembramos os Obxectivos de Desenvolvemento Sostible que estamos a traballar no noso PDI. 

Pinchade na foto para ver máis!