Celebracións

DÍA DA PAZ 2023

Luns 30 de xaneiro de 2023

O MURO DA PAZ

Premede na seguinte imaxe para ver como celebramos o Día da Paz no C.E.I.P. As Bizocas.

O 22 de decembro tivo lugar o noso festival de Nadal, presentado fantasticamente polos nenos/as de 6.º de Primaria. Preparámolo con moito mimo para que alumnado, familias e profesorado disfrutaramos xuntos deste día.

Comezamos cunha obra de teatro con marionetas titulada "Quen quere ao lobo feroz?" protagonizada polos nenos/as do Club de Lectura. Fixérono xenial! Noraboa!

Seguiu o alumnado de 4.º E.P., que nos sorprendeu cunha versión de "Jingle Bells" cantando e tocando diferentes intrumentos musicais.

Logo fixemos un pequeno descanso, posto que Papá Noel estaba a piques de chegar. Que emoción! Visitou todas as clases e repartiu caramelos. Fíxonos moita ilusión!

A continuación foi a quenda dos alumnos/as de 2.º, 3.º e 6.º E.P., que cantaron, xestualizaron e tocaron a canción "Rudolph, the red nosed reindeer".

Seguiron os nenos e nenas de Educación Infantil, que cantaron e xestualizaron o retrouso da canción "Eu teño alguén" con lingua de signos. Unha actuación preciosa!

Logo, o alumnado de 1.º E.P. cantou e representou a panxoliña "Buscando Papá Noel a árbore de Nadal". Fixérono incríble!

Despois da panxoliña foi a quenda dos nenos e nenas de 2.º E.P., que cantaron a canción "O progreso", unha letra fermosa que fai referencia ao noso proxecto do cole, os ODS.

Chegando ao final, o alumnado de 1.º e 2.º E.P. fíxonos saber os seus ODSexos de Nadal. Ogallá se cumpran!

E para rematar da mellor maneira, despedimos o ano 2022 coas badaladas protagonizadas polos nenos e nenas de 4.º E.P., acompañadas de gusanitos! Feliz 2023!

Clicade na seguinte fotografía para acceder á galería.

Esperamos que teñades un moi bo Nadal!

HORARIO FESTIVAL DE NADAL 2022/2023

Debido ao espazo limitado do que dispoñemos no ximnasio do colexio, vémonos na obriga de establecer un horario para a asistencia das familias que desexen vir ao festival de Nadal.

XOVES 22/12/2022

De 09:30 a 11:00 h. poderán asistir as familias do alumnado de 4.º, 5.º e 6.º de Primaria.

De 12:00 a 13:30 h. poderán asisitir as familias do alumnado de Infantil e 1.º, 2.º e 3.º de Primaria.

25N 2022/2023

Venres 25 de novembro de 2022

Durante toda esta semana e especialmente hoxe, 25 de novembro, alumnado, profesorado e familias conmemoramos o Día Internacional da Eliminación da Violencia contra a Muller.

Contamos coa colaboración das familias, pedindo que o alumnado trouxese algunha peza de roupa ou complemento de cor morado, lila ou violeta.

As nenas e nenos de 1.º e 2.º de Primaria decidiron "ver o mundo con gafas violetas" e fixeron un mural e un vídeo cunhas fermosas mensaxes. Clicade na seguinte imaxe para acceder.

Contamos coa asociación "NÓS MESMAS" para desenvolver actividades, como "Flop, un extraterrestre na escola", coas que reflexionamos sobre os diversos tipos de familias, as diferenzas e semellanzas entre nenos e nenas, etc.

Se queredes ver todas as actividades que desenvolvemos, premede nesta última fotografía.

SAMAGOSTO 2022

Venres 28 de outubro de 2022

Durante esta semana realizamos unha chea de actividades pola celebración do Samaín, nas que participaron mestr@s, alumnado e familias. Deixámosvos aquí unha recompilación das mesmas:

MERENDAS TERRORÍFICAS SAUDABLES

O xoves 27, antes do tempo de lecer, comezamos a preparar as merendas terroríficas saudables empregando varias froitas de tempada. Cada ciclo elaborou diferentes merendas e ao rematar, antes de degustalas, pasamos por todas as clases para ver o que fixeran @s demais.

Este foi o resultado, pinchade na foto para ver máis!

HISTORIAS DE MEDO

Como contabamos en entradas anteriores, o Sabichón propúxonos inventar historias de medo relacionadas co proxecto deste ano, as ODS. Quedaron terrorificamente incribles!