CURSO 2ºA 2ºB
GALA OUFF ESCOLA
Enviado por Marta Valbuena o Lun, 27/09/2021 - 18:36Hoxe, 27 de setembro, celebrouse a gala OUFF Escola á que o alumnado de 2ºB estaba nominado como finalista pola curtametraxe elaborada o curso pasado "Dona Landra no río Revolto"
Debido á situación sanitaria a gala realizouse telematicamente, polo que a seguimos dende a sala de usos múltiples da escola.
Puxémonos moi contentos cando nos dixeron que gañamos o 2º premio!!! Podedes ver un anaquiño da gala premendo nesta imaxe.
Premendo neste enlace atoparedes a noticia con todos os gañadores da edición OUFF Escola 2021.
O alumnado de 2º da nosa escola xa foi finalista e gañador do mellor guión na edición do 2019, polo que xa son expertos na materia. Se queredes recordalo, podedes ver a noticia de novo este enlace.
Moitas grazas a todos polo voso apoio e felicitacións!!!
GALA ENTREGA PREMIOS FIC
Enviado por Marta Valbuena o Dom, 19/09/2021 - 20:10Hoxe foi un día moi especial para o alumnado de 2ºB, pois se celebrou a Gala Escolas do FIC, festival ao que estabamos nominados como finalistas pola curta elaborada o curso pasado "Dona Landra no Río Revolto"
Erguémonos moi cedo e, dende o Concello, camiñamos xuntos ata o Centro Social do Mar, onde nos agardaba unha alfombra preciosa elaborada pola "Asociación de alfombristas de Bueu".
Unha vez situados no patio de butacas, comezou a gala coa proxección dun anaco de todas as curtas finalistas e de seguido o xurado subiu ao escenario para comezar a entrega de premios. Que nervios e que alegría sentimos cando nos dixeron que gañara a nosa curta!!!
Subimos todos ao escenario para recoller o premio, consistente nun lote de libros de Kalandraka, o galardón do festival e un trípode para gravar con máis calidade a nosa seguinte curtametraxe!
A continuación proxectaron as curtas gañadoras e sentímonos moi importantes ao ver a nosa película proxectada nunha pantalla de cine e diante de tanto público.
Despois saímos un ratiño á rúa a merendar e xogar un pouco.
Cando volvemos entrar, xa estaba no escenario o grupo Carpervek que nos falou do cine mudo e a importancia da música no cine. Incluso puidemos experimentar interpretando a banda sonora dalgunhas curtametraxes antigas.
Foi unha xornada incrible, pasámolo tan ben que xa estamos pensando na nosa seguinte producción!!!
Se queredes ver a gala completa, premede nesta imaxe.
SESIÓNS PARA ESCOLARES - FIC BUEU
Enviado por Marta Valbuena o Dom, 19/09/2021 - 19:14O pasado venres fomos ao Centro Social do Mar para ver 5 curtametraxes proxectadas para nós das SESIÓNS PARA ESCOLARES do FIC Bueu:
- La extraordinaria historia de Bruna.
- Mitch-Match.
- Ruby & Roach.
- Vuela.
- Earth3.
Gustáronnos moitísimo e ademais fixemos unhas actividades moi interesantes na escola antes e despois de asistir ao visionado das curtas.
Estas son algunhas das actividades:
Encantounos imitar o LOGO do FIC 2021, aquí podedes ver algunha mostra.
REUNIÓN PRINCIPIO DE CURSO 2021/22
Enviado por Blanco Rodrígue... o Ven, 17/09/2021 - 11:59Benvidos ao noso blog:
Deixámosvos nesta entrada a presentación da primeira reunión de familias deste curso, esperamos que vos sexa de utilidade. Premede na imaxe para vela.
AVÓS VIRAIS, AVÓS VITAIS
Enviado por Blanco Rodrígue... o Ven, 30/07/2021 - 23:01Queremos deixar reflectido nesta entrada do noso Blog o labor apaixonado de sabios ensinantes que fixeron os avós e avoas do alumnado de 1º de primaria no traballo proposto para o último mes de curso. Cremos que a actividade de AVÓS VIRAIS, AVÓS VITAIS resulton bonita e interesante para netos e avós, os pequenos descubriron que os seus maiores xogaban e se divertían e os avós gozaron coa frescura e espontaneidade dos máis novos. Pero o mellor de todo será velos nos seguintes vídeos. Premede nas imaxes.
REFRÁNS DO TEMPO
Enviado por Marta Valbuena o Xov, 24/06/2021 - 21:29Durante este curso o alumnado de 1º investigou e aprendeu refráns relacionados co tempo, comprobando se efectivamente se cumprían ou non. Con eles, fixeron un mural que decorou o noso corredor.
Foi divertido aprender a sabedoría popular!
VISITA AO MUSEO MASSÓ
Enviado por Marta Valbuena o Dom, 20/06/2021 - 20:38Ao longo desta semana, o alumnado de 1º saímos da escola para visitar unha das xoias da nosa vila: O MUSEO MASSÓ.
Chegamos moi ilusionados por aprender e o persoal do museo recibiunos estupendamente. Levabamos con nós as bolsiñas cos residuos que recollemos nas praias. Unha vez alí, participamos nun obradoiro chamado O QUE O MAR NON QUERE, no que descubrimos que todos os desperdicios que os humanos deixamos na praia, ademais de contaminar durante moitos anos son prexudiciais para a vida dos animais mariños: aves, tartarugas, peixes... E fixemos o firme propósito de recoller os nosos residuos cando vaiamos á praia.
A continuación realizamos unha visita guiada polo museo. Aprendemos os nomes dalgúns instrumentos de navegación e puxémonos no lugar dos mariñeiros de hai moitos anos. Visitamos tamén a sala do museo que foi fábrica de conservas e, como non, a nosa sala favorita... a da caza da balea!
Finalmente volvemos ao cole moi contentos por poder realizar esta saída, aínda que con moita calor!!!
Moitísimas grazas a todo o persoal do museo e especialmente a Graciela. Volveremos!
GALA OLLOBOI 2021
Enviado por Marta Valbuena o Dom, 13/06/2021 - 15:51Onte, 12 de xuño, celebrouse en Boiro a gala do Festival Audiovisual Escolar OLLOBOI 2021.
O noso centro participaba coa curtametraxe DONA LANDRA NO RÍO REVOLTO, da que resultou un dos 5 finalistas da categoría PEQUE.
Aínda que o premio non o puidemos traer para Bueu, estamos súper orgullosas do traballo que fixeron os nenos e nenas de 1º e só o feito de ser FINALISTAS é un premio en si mesmo.
Noraboa rapazada!!
Podedes ver neste pequeno vídeo como foi a velada.
CONTACONTOS: XELIÑA FALA GALEGO
Enviado por Marta Valbuena o Dom, 23/05/2021 - 19:58O venres tivemos unha sorpresa na escola! Co gallo das letras galegas, recibimos a visita de CAXOTO, da Trastenda dos Contos para contarnos historias sobre Xela Arias.
O espectáculo chamábase XELIÑA FALA GALEGO. Caxoto contounos a vida de Xela cando era pequena e falou moito dos seus xogos: cazaba grilos, lanzábase terróns e camiñaba polo monte. Tiña moitas historias na cabeza e aventuras. Un día, Manuel María visitou á súa familia e díxolle que collera unha libreta e empezara a escribir. Dende aquela non parou ata que morreu, moi nova.
Caxoto tamén nos contou o conto dun moucho, animal que coñecía Xela na súa aldea. Participamos moito e estábamos atentísimos!
Despediunos cun blues creado por el dun poema de Manuel María: Eu teño barco. Ademais, convidounos a coller unha libreta vella e escribir as historias que teñamos na cabeza.
Gustounos moito este contacontos! Ata a próxima, Caxoto!!!
MAKING OF: DONA LANDRA NO RÍO REVOLTO
Enviado por Marta Valbuena o Xov, 20/05/2021 - 22:45Seguramente moitos de vós queredes saber como fixemos a curtametraxe de Dona Landra no Río Revolto. Pois aquí tendes un vídeo explicando todos os detalles. Premede na imaxe!
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- seguinte ›
- última »