Dúas alumnas de 2º Bacharelato, Sara e María, están realizando a montaxe e programación dun brazo robótico incluído na dotación dos Polos Creativos. Andamos estes días coas primeiras probas. Aínda que vos pareza algo inquedante, non vos preocupedes, de momento é inofensivo.
Con motivo da Semana Cultural do instituto, o profesor Nacho Rodiño organizou o 1º Concurso de Ciberseguridade do IES Virxe do Mar, para o alumnado de 1º ESO. Para recoñecer aos gañadores e agasallar a todos os participantes deseñáronse estas chapas conmemorativas.
O martes 23 de abril a nosa Lata Espacial fixo un exitoso voo duns 140 metros no aeródromo As Gaivotas, en Cerceda. Primeiro ascendeu con un dron, xunto con outros tres prototipos. Logo duns segundos de espera, abriuse o compartimento de carga e os 4 minisatélites comezaron a caer.
O alumnado de Tecnoloxía e Enxeñaría de 1º Bacharelato está participando no concurso Cansat, organizado pola Axencia Espacial Europea. Leva varios meses dedicando unha sesión semanal ao deseño dun prototipo de satélite do tamaño dunha lata de refresco, que debe superar unha misión nada sinxela. Sigue lendo para saber máis...
O pasado 6 de marzo o equipo do Virxe do Mar que participa en Cansat Galicia 2024 asistiu á xornada prelanzamento na Cidade da Cultura. Presentaron o seu proxecto diante de 140 persoas e asistiron a varias charlas moi interesantes. No mes de abril terá lugar o lanzamento do prototipo de satélite no que están traballando.