Outras actividades

Este venres 17 de decembro, foron entregados os diplomas DELF aos

75 alumnos e alumnas que obtiveron este título o curso pasado.

O pasado sábado 20 de novembro celebráronse os Encontros de Bibliotecas Escolares de Galicia en Santiago de Compostela. Alí estivo a nosa compañeira Anxos Rial, Coordinadora dos Clubs de Lectura do IES Sánchez Cantón, invitada pola organización para realizar unha ponencia.

Anxos explicou nunha sala do Pazo de Congresos, repleta de profesorado de toda Galicia, o funcionamento dos 15 clubs que neste momento existen no instituto, nos cales participan 160 alumnos e alumnas, 11 profesores e profesoras e a súa evolución dende que hai 10 anos, cando se fundou o Club de Lectura “Nube de palabras” no IES Sánchez Cantón.

Noraboa polo teu magnífico traballo, Anxos!

O pasado 23 de setembro as nosas alumnas Sofía Boullosa García, Irene García Pérez e Sabela Pérez Bouzas, recibiron o Premio Nacional de Vídeo no Certame Express Conciencia no IFIC de Valencia. 

O sábado 28 de agosto entregáronse os premios do XLII CERTAME TERRA CHA DA INFANCIA E MOCIDADE en Guitiriz. Foron 1328 os participantes das 4 provincias e o noso centro ten o orgullo de contar con 9 alumnos e alumnas que recibiron os seus merecidos galardóns. Parabéns!

Premiados Poesía (1º ESO)

Nicolás Rozas Martínez, Sabela Baltar Torres, Nicolás G. Conde, Daniel Bonanad Diz, Fidel López Leal, Rubén González García, Otto Schaal Lage.

Premiados Contos (4º ESO)

Contos: Sabela Rivas Campos

Contos Muller e ciencia: Mariña Maceiras Segovia