No día de hoxe, o alumnado de 1º de bacharelato recibiu o 1º Premio Ernestina Otero pola igualdade 2022 do Consello de Pontevedra; acadaron este premio polo proxecto "Na súa memoria, na nosa memoria" que desenvolveron na materia de Lingua galega e literatura e no Comité de Igualdade conxuntamente e coa colaboración do Equipo de Dinamización Lingüística do noso centro, ao longo do curso 2021/22 cando cursaban 4º de ESO.
Este proxecto tiña como obxectivos formar ao alumnado na práctica de proxectos documentais colaborativos, fomentar a excelencia académica e tematicamente visibilizar a memoria das mulleres represaliadas galegas e en especial de Pontevedra. A través de entrevistas realizadas a especialistas ás e aos que agradecemos a súa amable colacoración, achegáronse á figura das mulleres para logo investigar arredor das súas figuras e elaborar vídeos divulgativos sobre as mesmas.
Este premio recoñece o labor e a calidade do traballo realizado por estes rapaces en materia de igualdade, parabéns para todos e todas polo recoñecemento.
Os xornais máis importantes fixéronse eco deste merecido premio.
Pica na foto para ver o álbum
