IES de Pastoriza

O pasado xoves 14 o alumnado de música de 3º e 4º da ESO acudiu a un ensaio da nosa Orquestra Sinfónica de Galicia no Pazo da Ópera. Parece que lles gustou moito porque non pararon de aplaudir.

Bravo pola nosa OSG!!!

E bravo polo noso alumnado máis musical!!!  

 

Dentro das actividades extrescolares e complementarias do centro, as profesoras dos Departamentos de Física e química e Tecnoloxía acompañaron hoxe ao seu alumnadode 4º ESO a unha visita ao Museo nacional da ciencia e a tecnoloxía (MUNCYT) onde puideron contemplar algúns dos mais de 150.000 instrumentos científicos que datan desde o siglo XVI ata a atualidade. 

O alumnado de 2º ESO, convertidos en luthiers, realizaron unha morea de instrumentos musicais caseiros aproveitando materiais diversos baixo a batuta do departamento de Música. Como pode apreciarse na exposición que durante estes días ten lugar no propio centro educativo a creatividade e a imaxinación dos alumnos e alumnas é mais que evidente. Parabéns!!!!

Dentro das actividades complementarias organizadas polo Departamento de Orientación do centro, o alumnado de 4º de ESO visitou onte as instalacións do IES de Sabón e o IES Manuel Murguía. Os rapaces deberán escoller, ao remate da Ensinanza secundaria obrigatoria, entre oas estudos de bacharelato ou dalgún ciclo da FP. Ademais, puideron entregar a súa instancia de reserva de praza cara ao curso 2016-17.

O Departamento de Lingua Castelá dentro da súa Programación didáctica organizou onte e hoxe unha visita a La Voz de Galicia, onde os rapaces de 1º ESO puideron ver in situ como funciona o rotativo. Tamén coñeceron o Museo do xornal, todo o cal foi do interese do alumnado.