O 25,26 e 27 de outubro, o alumnado de 1º ESO foi a escalar ao rocódromo de Riazor. Cando chegaron, houbo unha charla para explicar as normas de seguridade, as diferentes modalidades de escalada e os nomes do material a utilizar e despois foron ao rocódromo a escalar e o fixeron fenomenal. O deron todo!!!.  O venres, veu con nós Hadrián Pérez de 4º ESO que é 1º de Galiza e  2º de España na modalidade de escalada de velocidade e fixo unha demostración alucinante. 

O alumnado de 1º ESO participou o 30 de marzo no taller de baile tradional!!

Alba e África foron a Ourense a participar no campionato galego de Orientación. Parabéns Campionas!!!!

O 29 de marzo os clasificados/as foron a Porto do Son ao campionato Provincial de Orientación, quedando dúas alumnas nosas de 1ª e 3ª, clasificándose para o galego. Parabens a todos/as participantes!!!!!

O 21 de marzo o alumnado de 3º ESO participou na campionato comarcal de Orientación!!

En colaboración co alumnado de 4º ESO, fixemos un circuito de Xogos tradicionais antes do Festival Antroido. Foi una tolería!!!!

O clube 100tolos de esgrima  veu ao insti e os de 1º ESO pasárono moi ben!!

Ultimo día de clase, no que o Departamento de Educación Física, en colaboración con máis profesorado, organizamos actividades deportivas con todos os grupos ó longo da mañá. Grazas a que a choiva nos respetou puidemos aproveitar todos os espazos dispoñibles. As actividades foron:

• Deportes alternativos: matrexball e datchball.
• Xogo do brilé.
• Fútbol
• Baloncesto.
• Xadrez.

O profesorado esperamos que desfutásedes da xornada festiva e tamén que vos quedase clara a finalidade deste proxecto: valorar a gran importancia de manter unha vida activa e deportiva e manter lonxe os hábitos nocivos.

¡Pasade moi bo verán!

Os grupos de 4ºESO puxemos punto e final ás actividades extraescolares de Educación Física deste curso. Onte estivemos toda a xornada na contorna de Betanzos. Fixemos unha carreira de orientación deportiva, tiro con arco e kayak dende Caneiros ata a Praia do Pedrido, pasando polo pobo de Betanzos. Pasámolo moi ben e tivemos moita sorte co tempo. Agora, con algo de pena e máis bos recordos que malos, despedímonos do instituto. Algúns imos facer Bacharelato a outro centro e outros iremos a Ciclos Formativos, pero se cadra intentaremos facervos algunha visita.

¡Grazas por todo!