Articles

XORNADA DEPORTIVA - CLAUSURA DE FIN DE CURSO

Ultimo día de clase, no que o Departamento de Educación Física, en colaboración con máis profesorado, organizamos actividades deportivas con todos os grupos ó longo da mañá. Grazas a que a choiva nos respetou puidemos aproveitar todos os espazos dispoñibles. As actividades foron:

  • Deportes alternativos: matrexball e datchball.
  • Xogo do brilé.
  • Fútbol
  • Baloncesto.
  • Xadrez.

O profesorado esperamos que desfutásedes da xornada festiva e tamén que vos quedase clara a finalidade deste proxecto: valorar a gran importancia de manter unha vida activa e deportiva e manter lonxe os hábitos nocivos.

¡Pasade moi bo verán!

     

     

     

 

ORIENTACIÓN DEPORTIVA E KAYAK – 4º ESO

Os grupos de 4ºESO puxemos punto e final ás actividades extraescolares de Educación Física deste curso. Onte estivemos toda a xornada na contorna de Betanzos. Fixemos unha carreira de orientación deportiva, tiro con arco e kayak dende Caneiros ata a Praia do Pedrido, pasando polo pobo de Betanzos. Pasámolo moi ben e tivemos moita sorte co tempo. Agora, con algo de pena e máis bos recordos que malos, despedímonos do instituto. Algúns imos facer Bacharelato a outro centro e outros iremos a Ciclos Formativos, pero se cadra intentaremos facervos algunha visita.

¡Grazas por todo!

     

     

     

RECREOS ACTIVOS – FIN DAS COMPETICIÓNS

 

Como xa sabedes, dende que comezou o curso estase animando ao alumnado do centro a aproveitar o seu tempo de recreo facendo actividades deportivas. O formato competición leva funcionando medio curso e este último mes de clases celebráronse as finais con público engadido, ¡moi emocionante!

 

Como colofón, o equipo gañador do torneo de floorball xogou un partido contra un equipo formado polo profesorado. Non é de extranar que gañara o equipo de rapaces/as, ¡duro rival!, pero o profesorado soubo estar á altura. A continuación amosamos imaxes das distintas competicións e do mencionado partido, máis a entrega de premios.

     

     

     

 

 

AS POSIBILIDADES DAS APP MÓBILES EN ACTIVIDADES NO MEDIO NATURAL

Nestes últimos días de clase entre a 3ª avaliación e o final de curso, o grupo de 4ºA fixemos unha saída para aprender a usar Wikiloc. Estivemos no parque de Eirís, San Diego e rematamos na Praia de Oza. Pasamos bastante calor pero agradecimos moitísimo un cambio de aires saíndo do instituto! Agora, como xa lle prometemos á profesora Vanesa, aplicaremos o aprendido durante o verán, animándonos a facer saídas de sendeirismo e bici.

     

     

SURF - 3ºESO

Esta vez tocounos a 3ºESO ir o pasado venres a Bastiagueiro a facer surf, xa que non o puidemos facer o curso anterior por mor da covid. Acompañáronnos os profesores David (Xeografía e Historia) e Jose Carlos e Vanesa (Educación Física). Son do Mar Surf School (https://sondomar.org/) foron tamén quen nos ensinaron: o material necesario, cómo observar o mar, as correntes, as olas, cómo remar, cómo pasar olas por debaixo e por suposto cómo surfealas.

A maiores fixemos unha ruta de sendeirismo polos arredores e pasamos tempo de lecer na praia. Foi unha mañá de 10!

     

     

     

1ºs AUXILIOS – TALLER RCP

Onte viñero ao instituto 5 médicos residentes do CHUAC a ensinarnos primeiros auxilios a tódolos grupos de 1ºESO. Aprendemos cousas tan importantes como:

 

  • A conducta PAS (protexer - avisar - socorrer) se nos atopamos cun accidente.

  • A posición lateral de seguridade.

  • A maniobra de Heimlich, se hai un atragoamento grave.

  • A reanimación cardiopulmonar (RCP).

 

Cremos que realmente toda a poboación debería ter estes coñecementos básicos, poderíamos salvar vidas! Así que moitísimas grazas a Ana Dapena, Manuel Fernández, Adrián Rosende, Noemí Vázquez e Jacobo Vieites por vir a ensinárnolo!!

         

         

 

 

SURF - 2ºESO

 

O venres pasado, antes da ponte das Letras Galegas, todos os grupos de 2ºESO fomos a Bastiagueiro a facer surf, acompañados dos profesores Pedro (matemáticas) e Jose Carlos, Vanesa e Alba (Educación Física). Son do Mar Surf School (https://sondomar.org/) foron quen nos ensinaron cómo iniciarnos neste deporte que moitos/as non pensamos que nos fose gustar tanto! Ademáis, tivemos moi bo día de sol e tamén puidemos facer unha pequena ruta de sendeirismo por toda a costa ata Santa Cruz e tamén xogar a fútbol e voleibol na praia. Queremos repetir!

     

     

     

 

 

Concurso "Mejor periodista infantil y juvenil"

Varios alumnos/as de 2ºESO participamos no concurso “Mejor periodista intantil y juvenil” edición 2022 facendo entrevistas a varias deportistas galegas destacadas. Non gañamos premio pero quedamos moi satisfeitos do resultado! Ensinámosvos algunhas delas, que fixemos ás seguintes campioas: 

  • - Iris Abella – judo.
  • - Rocío Candal – fútbol.
  • - Laura Cetina – fútbol.
  • - Noa Garda – doma clásica.
  • - Ainhoa Iglesias – fútbol.
  • - Irene Lata – piraguismo.
  • - Paula Medín – rugbi.
  • - Marta Otero – voleibol.
  • - Alba Vieiro -  voleibol.

 Información sobre on concurso: https://www.prensaescuela.es/la-voz-y-viaqua-convocan-el-concurso-mejor-periodista-infantil-y-juvenil/  

OS BOS HÁBITOS DENDE A INTERDISCIPLINARIEDADE

A compañeira de Pedagoxía Terapéutica, Patricia Cinza, está a traballar co alumnado sobre os hábitos saudables, cos que ao mesmo tempo aproveita para repasar contidos das materias de Bioloxía e Xeoloxía, Lingua Castelá, Lingua Galega e Matemáticas, mediante tarefas como os Genially, aquí está o enlace a un deles e algunhas imaxes a modo de exemplo:

 https://view.genial.ly/623ef5c026682e0018f73c1f/interactive-content-habitos-saudables

 

       

     

 

¡Sempre é un bo momento para recordar a gran importancia da actividade diaria e o coidado persoal para a saúde!

 

MERENDAS SAUDABLES

Dende principios de curso, levamos insistindo na importancia dunha alimentación axeitada como parte dun estilo de vida saudable. Por este motivo xurdiu a iniciativa por parte da profesora Vanesa (Educación Física) de que o alumnado traia como tentempé para media mañá algo de froita (comezando por un día á semana, os xoves). Un dos obxectivos é que o alumnado consuma menos productos ultraprocesados, por desgraza habituais nos patios das escolas, pois parte da industria alimentaria esfórzase en insistirnos en que son unha boa opción para as merendas do día.

Algúns alumnos/as fixeron carteis para colocar polo centro e animar ao resto de compañeiros/as a participar.