NACEMENTO DO NOSO INSTITUTO

Versión para impresora

     Quixeron os deuses empregar o vello solar de Mequinsa e alí onde a desindustrialización deixou un oco baleiro, nace o I.B. de Carril a mediados de outubro de 1986, celebrando o primeiro Claustro no I.B. Calvo Sotelo ( I.E.S. Castro Alobre), permanecendo hoxe daqueles profes so Margarita García Armas.

Ata o curso 1991-1992 parte do noso alumnado estaba no chamado Extensión do Ramal.

Foi Miguel Ángel González Estévez o primeiro director, permanecendo no cargo ata o 2001. No 2001 deixa a dirección, collendo o relevo Margarita García Armas ata final de curso. No ano académico 2001-2002 é elexido director Augusto Guedes de Castro que aínda continúa no cargo.

O cambio do nome do Centro tivo lugar o 27 de Febreiro do 2004 pasando a chamarse I.E.S. Miguel Ángel González Estévez.

Como ben entendedes pasaron moitas cousas, distintos plans de educación, distintos profes, distintos alumnos….Tamén houbo tempo para pasalo ben e a xente do Instituto ben o soubo e sabe facelo.

Distintas actividades encheron a súa andaina e botando un ollo cara atrás poderíamos ver: fotografía, deportes, arte, teatro, xadrez, literatura, viaxes…Todo isto amenizado coa música de distintos grupos que naceron agarimados polas ondas da Compostela e polos muros do IES.

Hoxe é tempo para recordar pero tamén é tempo para mirar adiante e estar preparados para os novos retos que nos esperan á volta do camiño.

Augusto Guedes de Castro

Director do IES Miguel Ángel González Estévez