Dada a acollida que esta actividade tivo o curso pasado, o EDL coa colaboración do departamento de galego, decidiu organizar, un ano máis, un concurso de haikus no que participou todo o alumnado de 1º e 2º da ESO. O haiku é un xénero poético de orixe xaponesa e consta de tres versos sin rima, de 5, 7 e 5 sílabas e adoitan facer referencia a escenas da natureza ou da vida cotiá. O obxectivo era fomentar a creatividade e a poesía. O alumnado ademais de escribir o poema realizou un debuxo ou adxuntou unha foto relacionadas co tema do haiku. Finalmente, fixemos unha exposición sobre os mesmos.
Entregouse un premio por curso. O gañador en 1º da ESO foi Silver Lema Vázquez co seguinte haiku:
A tartaruga
de auga doce,nada
como se nada
En 2º da ESO a gañadora foi Daniela González Moure
Caen bágoas
pantasmas na escuma
encadeada
O venres 23 de febreiro, gustaríanos conmemorar o día de Rosalía no noso Centro coas seguintes actividades:
O profesorado que o desexe poderá recoller un cravo e un libro de Rosalía que estarán á súa disposición dende a primeira hora na Sala do Profesorado. Terán tamén á súa disposición unha copia do manifesto da AELG que será lido por alumnado do centro. Pretendemos adicarlle a hora de lectura da vindeira semana (mércores) a dita autora.
O IES Maximino Romero de Lema estivo presente no Enreguéifate, que tivo lugar a pasada fin de semana en Carballo. O Director do noso Instituto o músico, mestre e regueifeiro, Manolo Maseda, foi o encargado de presentar proxecto Regueifesta, no que participa alumnado de Baio e de Vila de Cruces. O seu principal obxectivo é espallar a improvisación oral en verso no ámbito escolar, tendo en conta as múltiples potencialidades educativas que ten e valéndose dela como unha ferramenta de transformación social.
O vindeiro luns 19 de febreiro terá lugar a segunda xornada de Ao son delas. Desta volta visítanos Ses e Benedicta. Como na primeira xornada, estaremos no Auditorio de Baio. O faladoiro será ás 16.30h e o concerto ás 17.15h.
Onte tivemos a visita do alumnado de sexto de primaria coa súa profe de Relixión e o seu profe de Música. O alumnado de Imaxe e Son de Segundo de Bacharelato ofreceuse a gravarlles un tema para o video-clip e ao final animáronse a cantar e todo. Imos seguir traballando conxuntamente para tecer un tránsito entre os dous colexios de Baio.
Primeira premestura do traballo realizado:
A solicitude de admisión pode presentarse a través da aplicación https://www.edu.xunta.es/admisionalumnado ou de forma presencial no centro docente indicado como primeira opción.
A solicitude de admisión será única e terá carácter vinculante. No caso de presentación de máis dunha solicitude para unha mesma persoa perderá os dereitos de prioridade que puidense corresponderlle. O que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe. O alumnado que ten reserva de praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.
O centro ten servizo de transporte escolar.
Adxuntamos calendario e documento de reserva de praza.
.
Éxito da charla do pasado luns no noso IES sobre TDAH. Perto de 100 persoas entre pais/nais, profesorado e alumnado seguiron a exposición sobre ese tema a cargo da psicóloga Ana Fátima Gómez. Grazas a todos pola vosa asistencia.
O alumnado de 3º ESO, 1º BACHA e 1º BACH B asiste a una obra de teatro en castelán no Auditorio de Vimianzo, organizada polo Departamento de Lingua Castelá.
Será o vindeiro 2 de Febreiro ás 09.30h coa compaña de profesorado do centro.