IES Castelao

Ata o 14 de maio podes participar neste certame. Clica na imaxe para consultar as bases.

     Neste concurso convocado pola biblioteca o participante que máis se achegou á solución das preguntas que se formulaban nel  foi

David Álvarez Fernández
de 1º ESO-C

Álbum: Curso 2017/2018 -> Concurso: Polo mar adiante

            “Los hijos del Capitán Grant” es una novela del escritor francés Jules Verne ambientada en 1864 y 1865. Pero lo cierto es que puede ser tratada casi como una guía de viajes, pues Verne “aprovecha” la circunstancia de que ha modelado unos personajes bien informados, para dar a conocer a través de ellos un sinfín de datos demográficos, históricos, sociales, o culturales sobre cada país, región o territorio que van encontrándose en su ruta.

O pasado 30 de abril o alumnado de 2º de bacharelato asistiu á conferencia impartida polo Presidente da Real Academia Galega, Víctor  Freixanes, sobre a súa obra Unha ducia de galegos.

A charla foi de moito interese para este alumnado, pois na obra, reeditada no 2017,   Freixanes entrevista a doce persoeiros do galeguismo  e da literatura que son obxecto de estudo  por parte dos nosos  alumnos no programa de 2º Bac. Segundo as  palabras do conferenciante,  o  seu  obxectivo era unir sobre o papel a xeración que aínda conservaba a memoria do século XIX, personificada na figura de Ramón Otero Pedrayo, coas vivencias máis inmediatas dos mozos do 68, daquela Carlos Casares ou Xosé Luís Méndez Ferrín.

Álbum: Curso 2017/2018 -> Charla con Víctor Freixanes

O pasado 26 e abril   o  Colexio Profesional de Xornalistas de Galicia e a Obra Social 'la Caixa”  trouxeron ao noso centro o proxecto Xornalismo na Escola. Un profesional da información   impartiu a alumnos de 3º e 4º da ESO  un taller didáctico sobre comunicación. Este obradoiro tiña  como  obxectivo  introducilos  no mundo dos medios de comunicación.  O papel do xornalista, como funciona un medio de comunicación ou como facer unha nova foron algúns dos aspectos tratados. Aprenderon tamén a  distinguir entre que é noticia e que non e  o papel das redes sociais na información.

Álbum: Curso 2017/2018 -> Obradoiro de xornalismo

     O pasado xoves 26 de abril o IES Castelao participou no VII Encontro do Alumnado de Música de Galicia, celebrado no Auditorio Mar de Vigo. Dado que este ano o Encontro tivo lugar na nosa nosa cidade, o noso instituto tamén colaborou como centro anfitrión. En total, participaron 17 centros de Secundaria de toda Galicia e perto de 700 alumnos. O Encontro foi organizado pola Asociación do Profesorado de Música de Secundaria, Asomúsica.

     Do noso instituto acudiu o alumnado de Música de 4º ESO e 1º de Bacharelato, grupos que interpretaron a canción "Shake it out" de Florence&The Machine, e a sintonía da serie "El hombre y la tierra", de Antón García-Abril. Ademais, asistiron a obradoiros de Danzas do Mundo, Canto, Baile Galego e Percusión Brasileira, nunha xornada á que se sumou tamén o alumnado francés que veu de intercambio na mesma semana. A xornada rematou cun xantar de convivencia na zona do Náutico.

Álbum: Curso 2017/2018 -> VII Encontro do Alumnado de Música de Galicia

          Como traballo voluntario, o departamento de Educación Física propuxo ao alumnado de Anatomía Aplicada, de 1º de bacharelato, a análise nutritiva de polo menos catro dos menús inxeridos durante a viaxe do Nautilus, incorporándose así ao proxecto impulsado desde a Biblioteca.

         A continuación pódense ver os requisitos esixidos para o traballo e o labor levado a cabo por dous alumnos en cadanseu adxunto.

      Algo insólito: un rapaz de 16 anos publica unha novela. E estuda no IES Castelao.
     Por iso, o pasado venres, dentro das celebracións organizadas arredor do Día do Libro, David Sánchez presentou o seu libro na Biblioteca do centro para algúns alumnos de 4º de ESO, que puideron satisfacer a súa curiosidade facéndolle preguntas a este autor novel, a quen felicitamos de corazón.

Álbum: Curso 2017/2018 -> Presentación do libro de David Sánchez

     No marco das actividades do Día do Libro o martes día 24 ás 9 da mañá tivo lugar no Salón de Actos a lectura  por 1º ESO B do primeiro acto da obra de Federico GARCÍA LORCA La zapatera prodigiosa. Asistiron todos os alumnos de 1º da ESO.

Álbum: Curso 2017/2018 -> La zapatera prodigiosa

     Con este título pódese visitar –se un non é obxector á actual forma de xestión do MARCO, onde se atopa-  unha exposición que contempla desde diferentes ópticas a proxección do escritor no mundo e os mundos que creou ou nos que se inspirou.

      O pasado mércores 25 de abril visitámola cos tres grupos de 1o da ESO e mais con 2º ESO-C.

Álbum: Curso 2017/2018 -> Jules Verne: Os límites da imaxinación