Avisos:

- Solicitude de admisión no curso 2024/2025 do 1 ao 20 de marzo

- Aberto o prazo de matrícula para o curso de Capacitación Dixital. Ata o 26 de marzo

- Prazo para solicitar a bolsa do Ministerio de Educación para Bacharelato, FP e Universidade para o curso 2024/2025. Do 19 de marzo ao 10 de maio ás 15 horas de 2024

Concerto da Real Filharmónica de Galicia

Desfrutando da música clásica en directo! Alumnado de 3°, 4° e 1° de bacharelato asistiron ao concerto da Real Fillharmonía de Galicia o 7 de marzo ás 20:00 no Teatro A fundación. Unha experiencia para repetir!

Álbum: Curso 2023/2024 -> Concerto da Real Filharmónica de Galicia

Formación Polos Creativos: docencia en máquinas

O profesorado do IES Castelao xa está inmerso nas formacións de Polos Creativos. Neste mes de abril celebrouse a sesión de docencia de máquitas. Sergio Mejuto achegouse ata as nosas instalacións para instruírnos no manexo da cortadora láser e da impresora 3D. 

 

Parlamento Xove 2024

Parlamento Xove é un programa da Xunta de Galicia baseado nunha formación e competición na que os diversos equipos inscritos investigarán e debaterán sobre un tema formulado pola organización, tanto ‘a favor’ como ‘en contra’.

Nesta edición o IES Castelao participou na categoría de Bacharelato. Alejandro, Sergio, Roi e Xoel constituíron o grupo para debater arredor da pregunta formulada: Os Estados deben tomar medidas para limitar o desenvolvemento da intelixencia artificial?

Álbum: Curso 2023/2024 -> Parlamento Xove

Conferencia de Antonio Giráldez: A orixe do conflito paslestino-israelí.

Hai uns día despedimos o noso profesor Antonio Giráldez. Logo de anos no ensino, chegoulle a tan merecida xubilación. Mais, para finalizar a súa etapa laboral agasallou á comunidade do IES Castelao cunha conferencia sobre as orixes do conflito palestino-israelí. 

Deixamos por aquí o vídeo da interesante charla que impartiu explicando cal é a orixe dun dos conflitos bélicos de máxima actualidade. Ademais, podedes consultar as fotografías da xornada e escoitar a entrevista que deu ao equipo da radio escolar. 

Foi un verdadeiro luxo contar cunha persoa tan polifacética: historiador, escritor, divulgador, profesor... e un dos fundadores do Instituto de Estudos vigueses. Grazas Antonio, pola túa dedicación! 

 

Álbum: Curso 2023/2024 -> Despedida Antonio Giráldez

Concurso de Haikus sobre a primavera

Dende a Biblioteca Ramiro Fonte, lanzamos o concurso de Haikus ilustrados sobre a primavera para festexar o vindeiro 21 de marzo, o Día  Mundial da poesía.

Ánimo, poetas! Buscade inspiración nas musas porque agardamos polos vosos versos. 

Lede as bases e achegade as vosas composicións ao correo electrónico: 

 bibliotecaramirofonte@gmail.com

 

Como afrontar os conflitos cos fillos e fillas

Nais e país do alumnado de 2º ESO participan nunha nova charla sobre cómo afrontar os conflitos no eido familiar e a importancia de repensar, dialogar e chegar a acordos.

O conflito é un proceso natural na sociedade e un fenómeno necesario para a vida humana, pode ser un factor positivo para o cambio e o crecemento persoal e interpersoal.

Álbum: Curso 2023/2024 -> Afrontar os conflitos cos fillos e fillas

A importancia da toma de decisions

As alumnas e alumnos de 4º ESO participaron o 7 de marzo na 8ª edición da feira de ensinanzas artísticas e profesionais de Vigo.

En pequenos grupos, e acompañados por guías, foron visitando os distintos expositores das ensinanzas artísticas e profesionais que participaban na feira.

Álbum: Curso 2023/2024 -> Feira de ensinanzas artísticas e profesionais

8m no IES Castelao

O grupo de Igualdade do centro, Estela Morada, deseñou unha serie de actividades para comprometer o alumnado, profesorado e persoal non docente a conmemorar o 8m: Día Internacional da muller. 

Nesta semana realizáronse diferentes campañas de visibilización como a escrita de frases de mulleres célebres nas ventás do instituto, exposicións para visibilizar a mulleres inventoras, a revisión da baralla de cartas en clave feminista, ou pintacaras e entrega de chapas o venres 8. 

Álbum: Curso 2023/2024 -> 8m

Exposición A Baralla en feminino

Polo 8m, o alumnado de 4º da ESO de Plástica e 1º de Bacharelato de Debuxo Artístico realizaron unha exposición, que se pode visitar na entrada do centro. Ambos os grupos reconverteron as cartas da baralla, dándolles unha lectura en clave feminista. 

 

 

Álbum: Curso 2023/2024 -> A baralla en feminino
Distribuir contido