IES Castelao

O alumnado de 4º de ESO ven traballando ao longo do curso o seu desenvolvemento persoal, intelectual, afectivo e lingüístico na área de lingua castelá coa profesora Ainhoa:

“Mi corazón en una caja de zapatos”

“Almendra”

“Amarilla”

A través da mirada de distintos personaxes literarios afondan no autocoñecemento, as emocións, a autosuperación persoal e os valores sociais.

Álbum: Curso 2023/2024 -> Lecturas para a convivencia

 Comenzamos a formación de novos mediadores e mediadoras para o vindeiro curso co programa de mediación impartido por Alicce. 

 A mediación é un proceso transformador que encerra unha experiencia de aprendizaxe para quen participa nela, conectando ás persoas cos seus valores, sentimentos, respecto polo outro, e adquirindo ferramentas para enfrontar os conflitos. 

A través da mediación os alumnos e alumnas poden abordar as situacións de conflito escolar dunha maneira nova e máis efectiva, responsabilizándose nunha participación comprometida cos cambios consensuados.

Álbum: Curso 2023/2024 -> Formación de mediadores e mediadoras

No mes de marzo 1º e 2º de ESO participou nos obradoiros de resolución positiva de conflitos do programa “Convivindo”  impartidos por psicólogas da Fundación Amigó.

• A importancia da educación emocional.
• As emocións: identificación e expresión.
• Conflitos-emocions: a importancia da comunicación e como xestionar as nosas emocións ante os conflitos. 

Álbum: Curso 2023/2024 -> Programa Convivindo

Nais e pais do alumnado de 3º ESO participan nas charlas impartidas polo Concello dentro do Programa "Máis que un teito" sobre a importancia do diálogo e a comunicación cos fillos e fillas e as estratexias máis axeitadas nestas idades. 

As veces non é sinxelo que os fillos e as fillas comuniquen as súas inquedanzas no eido familiar, e é moi importante favorecer o diálogo e a comunicación, que se sintan seguros e apoiados. 

Álbum: Curso 2023/2024 -> A comunicación cos fillos e fillas

Nais e país do alumnado de 2º ESO participan nunha nova charla sobre cómo afrontar os conflitos no eido familiar e a importancia de repensar, dialogar e chegar a acordos.

O conflito é un proceso natural na sociedade e un fenómeno necesario para a vida humana, pode ser un factor positivo para o cambio e o crecemento persoal e interpersoal.

Álbum: Curso 2023/2024 -> Afrontar os conflitos cos fillos e fillas

Nais e pais do alumnado de 1º ESO participa no obradoiro impartido por Laura Pazo sobre a importancia das normas e límites no fogar como escudo preventivo ante todo tipo de adiccións e condutas inapropiadas. 

Os nenos e as nenas precisan ter límites claros que lles axuden a medrar nun contexto seguro e comprometido.

Álbum: Curso 2023/2024 -> Normas e límites

 Hoxe, 30 de xaneiro, o noso alumnado lembra mediante xogos a importancia dos dereitos humanos e do entendemento entre persoas de distinta procedencia e modos de pensar, reforzando o seu desenvolvemento como cidadás críticos e comprometidos cos seus dereitos e cos dereitos doutras persoas.

Álbum: Curso 2023/2024 -> 30 de xaneiro, día da paz.

 As alumnas e alumnos de 1º ESO participaron ao longo do primeiro trimestre nos obradoiros impartidos pola fundación Amaina para mellorar as súas competencias sociais e interpersoais.

Mellorar as estratexias de comunicación interpersoais, o respecto, a empatía, a escoita activa,  e a resolución de conflitos de xeito asertivo son claves para unha convivencia positiva.  

Álbum: Curso 2023/2024 -> Habilidades sociais