O noso alumnado de adultos, que participou no Erasmus+, visitou as sedes que a UE ten en Bruselas, Estrasburgo e Luxemburgo. Coñeceron de primeira man o Parlamentarium de Bruselas, a Casa da Historia Europea, o Simone Weil de Estrasburgo, a sede da Comisión Europea e demais sitios de interés. Traballaron dunha maneira non formal e informal, sendo conscientes da magnitude da idea de Europa e tamén do gran patrimonio cultural que temos.
Os nosos docentes xa teñen destino para a súa formación.
Nuestros docentes ya tienen destino para su formación.
Aquí o concurso de méritos para aqueles docentes, da quenda de diurno, que se animen a participar nesta experiencia. O documento vai acompañado dun código QR co cal podedes acceder ao baremo. Tamén tedes a información dos cursos ofertados. ¡Animádevos e non deixedes pasar esta gran oportunidade!
Aquí el concurso de méritos para los docentes, del turno de diurno, que se animen a participar en esta experiencia. El documento va acompañado de un código QR en el que podeis acceder al baremo. También teneis la información de los cursos ofertados. ¡Animaros y no dejéis pasar esta gran oportunidad!
O mércores 21 de xuño celebramos a graduación do alumnado de 4º ESO. O acto estivo presentado por Iago Taboada, Aitana Avendaño e Eric Fernández. Os discursos de cada grupo correron a cargo de Sophia de Sousa e Teo Alonso en 4º A, Xoel en 4º B e Kira Casablanca e Cristina Sanromán en 4º C.
Tamén houbo vídeos recordatorios da promoción e un simpático vídeo agasallo do profesorado para a rapazada.
Todo o esforzo pagou a pena.
Desexámosvos o mellor para a nova etapa que emprendedes!!
Para remate do curso o noso grupo de teatro fixo unha actuación especial para os seus compañeiros. Nesta ocasión a obra elixida foi "Atrapados no museo" unha representación na que os actores puxéronse na pel de ladróns, músicos, vixilantes de seguridade e mesmo momias.
Parabéns para estes magníficos artistas!!
Para poñer punto e final á exposición cantáMOLA en galego e como unha das actividades para pechar o curso, o luns 19 de xuño María (a metade das Fillas de Cassandra) e mais o Mondra visitaron o instituto. A pesar do día gris que estaba, ambos os artistas puxeron cor e música para facer desfrutar a toda a comunidade educativa do IES Castelao.
A nosa alumna de 1º de bacharelato Mencía Jorge Cabaleiro, que leva tempo no mundo das letras e xa foi recoñecida previamente -polo menos no ámbito "doméstico" nalgún concurso- vén de ser premiada no VI Concurso de microrrelatos da Real Academia Galega e PuntoGal.
Para toda a comunidade do IES Castelao, como alumna brillante e participante activa no noso Club de Lectura, é unha enorme alegría este recoñecemento á tarefa que vén desenvolvendo Mencía no campo das letras.
A prensa fíxose eco da boa nova.
Vaia desde aquí a nosa felicitación máis sincera e agarimosa.
Adiante con esta magnífica dedicación que xa empeza a dar os seus froitos, Mencía! Con anterioridade a este importante recoñecemento, ten conseguido xa desde o ano 2019 premios en concursos literarios tanto de Galicia como de fóra dela, entre eles nos convocados polos concellos de Mugardos, Pontedeume ou Cambre, mesmo en varias ocasións.
Parabéns!!