Compartimos dúas fotos da visita que fixo o alumnado de 1º de ESO ao museo que mantén a Sociedade Galega de Historia Natural no noso barrio. A actividade foi organizada pola profesora de Bioloxía e Xeoloxía de 1º de ESO, Carmen Leira.
Compartimos un breve vídeo da actividade dos Maios, na que alumnos do noso centro confraternizaron cos cativos do CEIP Cruceiro de Canido e máis coas xentes do barrio. Embaixo do vídeo tedes algunha foto máis da actividade.
Deixámosvos unhas fotos da visita que fixo o alumnado de bacharelato das materias Bioloxía e Xeoloxía de 1º e Bioloxía de 2º, acompañado dos seus profesores, Carmela e Ramón. Tanto na visita ás instalacións da Estación como no paseo científico pola ría foron acompañados polo xefe da Estación, Guillermo Díaz-Agras.
A estas alturas non quedará ninguén que non vise o vídeo dos 1000 escolares que cantaron en Navantia coa cantante Guadi Galego, non si?
Pois aló estivo o IES Canido, tras o traballo coral que fixeron as semanas previas os nosos alumnos xunto coas profesoras de Música, Cristina e máis Encina. Podedes ver a delegación canidense en Navantia:
Velaquí toda a nosa delegación con Guadi Galego:
E a nosa localización, xunto aos demais institutos de secundaria participantes:
A actividade, organizada polo Centro de Formación e Recursos de Ferrol para celebrar o Día das Letras Galegas e tamén para reivindicar o estudo da Música nos centros educativos, supuxo unha experiencia ben fermosa para todo o alumnado implicado así como para os profesores que tiveron a sorte de participar.
