Novas

O departamento de Educación Física organizou, o luns 22 de xuño, unha actividade voluntaria e gratuíta para o alumnado de 1º de Bacharelato para complementar os contidos referentes ás actividades na Natureza.

Os participantes poideron iniciarse nas actividades de kayak e windsurf na praia da Aguieira.

O 16 de abril o IES Campo de San Alberto participou no Campionato Provincial de Orientación en A Cea da Ma en Culleredo con alumnado de 2º, 3º, e 4º da ESO.

A actividade foi moi interesante e a todos nos quedaron gañas de repetir a experiencia.

O Venres 23 de Xaneiro disputóuse a fase intercomarcal de campo a través, no Campamento Virxe do Loreto en Porto do Son.

Nela participaron dous alumnos do noso centro que conseguiran clasificarse previamente. Estes foron Moisés García Pedrosa (1º ESO) e Luis Mayán Martínez (2º ESO B), que fixeron unha gran carreira e disfrutaron dun día marabilloso practicando deporte, incluso conseguindo (nun caso) a clasificación para a fase Provincial.

Esta fase Provincial, disputarase na Pobra do Caramiñal o vindeiro Sábado 7 de Febreiro.

Noraboa aos dous deportistas e a todos os que participastedes neste curso nas carreiras de campo a través.

Campo a través

O 21 de novembro tivemos a primeira proba de campo a través do curso. O instituto participou con representación nas categorías de infantil e cadete, tanto masculinas como femininas ao igual que en anos anteriores. Esta proba celebrouse no campo de fútbol de Noia. Podedes ver fotos de esta e outras probas na páxina web da agrupación deportiva As Rías. (Se non vai o enlace escribe no navegador http://adasrias.blogspot.com.es/)

Bádminton

O 27 de novembro fumos ao Pavillón de Serra de Outes a participar nun campionato de Bádminton dentro do programa de deporte escolar da Xunta de Galicia. Acudiu a esta competición alumnado de 1º e 2º da ESO.

Os nervios antes da competición axudaban a non sentir a temperatura aínda que a mañá era bastante fría.