IES Campo de San Alberto

A última semana de xuño, dentro do proxecto europeo Comenius Regio no que está a participar o instituto xunto con outras institucións galegas (consellería, parlamento e asociación BBT "o Treito"), unha delegación nosa visitou a prefectura grega de Magnesia. En concreto, fomos recibidos polos colegas gregos na cidade de Volos aínda que a maior parte do encontro tivo lugar na fermosa illa de Skiathos. Realizamos avances no proxecto que compartimos con eles e quedamos encantados coa excelente acollida que recibimos dos aprezados anfitrións. 

O día 19 de xuño, seguindo o costume de cursos anteriores, o departamento de Educación Física organizou unha excursión ao parque acuático de Cerceda. O alumnado de 1º e 2º ESO participou case na súa totalidade, o que nos levou a ter que viaxar en dous autobuses e pedir a colaboración do departamento de Relixión.

Tivemos un día moi agradable no que poidemos bañarnos e subir as atraccións sen pasar moito frío. Aproveitamos, desde as 12:30 ata as 18:45, as instalacións do parque acuático que, como se pode apreciar, estaban ateigadas de xente. O problema foron as colas, aínda que a última hora moitas persoas xa marcharan e poidemos repetir sen agardar case tempo.

O venres 30 de maio o alumnado de 1º de Bacharelato e 4º ESO pudo participar na actividade de Rafting organizada polo departamento de Educación Física

O emocionante da actividade pódese apreciar nas seguintes fotografías

Se queredes ver máis fotos facede clic na pestana "FOTOS" na parte de arriba da páxina

   O luns 19 de maio tivemos a sorte de poder escoitar ao adestrador do Obradoiro, Moncho Fernández, falar dos valores que transmiten os deportes de equipo e ao capitán, Oriol Junyent, sobre a súa carreira profesional.

 A actividade foi moi amena. O alumnado de 1º e 2º ESO, ademáis de escoitar a dúas das persoas máis importantes do mellor clube de baloncesto de Galicia na actualidade, responsables do aspecto deportivo, puido facer preguntas, pedirlles autógrafos e mesmo fotografiarse con eles. 

        Foron moitas as preguntas que contestaron dadas as inquedanzas do alumnado.

 A amabilidade, o saber estar e a dispoñibilidade foi total. Incluso, aínda sabendo o atarefados que están, foron quen de alargar a súa estancia no centro para que ningún dos asistentes se quedara sen a foto ou autógrafo que desexaba. 

Podemos dicir que cubriron con creces as nosas expectativas e cumpren fielmente o seu slogan:

"Facendo Obra"

O 9 de maio, dentro das actividades do mes cultural, o alumno de 4º ESO Samuel León impartiu unha charla sobre a aplicación Oruxmaps, considerada unha das mellores para gravar rutas de gps. Esta aplicación utilizámola para trazar as rutas de sendeirismo que se están a realizar co fin de elborar unha guía da zona para o proxecto europeo Comenius Regio. A actividade foi moi entretida. O alumnado asitente de 4º ESO, 3º ESO e Ciclo de telecomunicacións saíu encantado da conferencia.