O luns 19 de maio tivemos a sorte de poder escoitar ao adestrador do Obradoiro, Moncho Fernández, falar dos valores que transmiten os deportes de equipo e ao capitán, Oriol Junyent, sobre a súa carreira profesional.
![](/centros/iescamposanalberto/system/files/u25/2014-05-19%2017.08.59%20peque%C3%B1a.JPG)
A actividade foi moi amena. O alumnado de 1º e 2º ESO, ademáis de escoitar a dúas das persoas máis importantes do mellor clube de baloncesto de Galicia na actualidade, responsables do aspecto deportivo, puido facer preguntas, pedirlles autógrafos e mesmo fotografiarse con eles.
Foron moitas as preguntas que contestaron dadas as inquedanzas do alumnado.
![Moncho Fernández e Oriol Junyent firmando autógrafos](/centros/iescamposanalberto/system/files/u25/Moncho%20e%20Oriol%20firmando.JPG)
A amabilidade, o saber estar e a dispoñibilidade foi total. Incluso, aínda sabendo o atarefados que están, foron quen de alargar a súa estancia no centro para que ningún dos asistentes se quedara sen a foto ou autógrafo que desexaba.
Podemos dicir que cubriron con creces as nosas expectativas e cumpren fielmente o seu slogan:
"Facendo Obra"