Anxo Amigo, Martiño Amigo, Sabela Noya, Dalmiro Núñez e Brais Suárez, co seu traballo "Emociónate connosco" de 1º ESO, Tiago Costa, Antía González, Mario Sánchez e Antón Taboada de 2º ESO, co traballo "Focos de atención" e María Blanco, Mateo Mata e Montserrat Mayo de 4º ESO, con "A pantera negra", todos finalistas no XIV Concurso Incubadora de Sondaxes e Experimentos de SGAPEIO.

Defenderán o seus traballos na facultade de matemáticas o vindeiro 7 de xuño, para elixir aos gañadores da Fase autonómica do concurso. 

Parabéns e moita sorte!

Na seguinte ligazón tedes o novo proxecto RETINA de Alfabetización y Creación Audiovisual do Ministerio de Educación, Formación Profesional y Deportes no que o noso compañeiro Sergio Clavero creou os materiais e a guía didáctica para introducir esta linguaxe nos procesos de ensino e aprendizaxe.
Son dous documentos, un que expón o contexto e a filosofía e unha guía didáctica para iniciarse.

Parabéns polo traballo!

O I Premio Escolar Internacional de Livros de Cordel, que organizan os institutos Marco do Camballón, de Vila de Cruces, e Rochael de Medeiros de Recife, de Brasil, ten como gañador a Sergio Rey Dalama, alumno de 1º ESO do noso centro.

Sergio presentou ao concurso un poema sobre o fútbol, Um dragão Campeão. Este certame escolar ten como obxectivo valorar a poesía popular, vincular a tradición do cordel á historia de Brasil e de Galicia e, por outra banda, modernizar o libro de cordel e a oralidade en lingua galego-portuguesa, ademais de fomentar relacións entre escolares de Galicia e de Brasil.

O pasado luns, día 13, a Aula de teatro participou no Festival Intercentros, representando no Teatro Principal de Santiago a obra Á luz das candeas.

Despois da longa xira e nunha semana con moitos exames, só puido asistir a metade da compañía, que substituiu ao alumnado ausente e conseguiu levar adiante a obra nunha mostra do compañeirismo e apoio mutuo, que caracteriza a este grupo de teatro.

Parabéns!

Co motivo do Día das letras galegas, o Equipo da biblioteca recoméndache estas lecturas tanto de Luísa Villalta, a autora homenaxeada este ano, como doutros autores homenaxeados en outros anos.