As alumnas e alumnos de 4º da ESO desenvolveron unha xornada de convivencia interxeracional cos maiores do Concello de Becerreá que acoden regularmente ao Centro Social da vila, que estivo coordinada desde a titoría do grupo e o departamento de Orientación. Xogos de mesa, relatos de experiencias vitais e un chocolate quente para aliviar as inclemencias dunha tarde de outono, foron as actividades centrais desta primeira experiencia entre alumnado do centro e persoas maiores da nosa contorna máis próxima. ESTAS son as imaxes máis destacables da xuntanza.
